Almatyda jańa salynǵan ortalyq meshit 14 qarashada ashylýy múmkin. Bul týraly Dinı basqarmaǵa jaqyn derekkózder málimdedi, dep habarlaıdy Dalanews.kz.

Meshit qurylysy jyl basynda tolyq aıaqtalǵan. Sol ýaqyttan beri jańa nysanda eki ret aıt namazy ótkizildi. Alaıda resmı ashylý rásimi bolǵan joq. El arasynda meshittiń ashylýy qujat rásimdeý máselesine baılanysty keshiktirildi degen aqparat ta taraǵan.

Al Qazaqstan musylmandary dinı basqarmasynyń qyzmetkerleri meshittiń 14 qarashada ashylmaýy múmkin ekenin jetkizdi. 

"Ázirge naqty aqparat joq. Biraq osy aıda ashylady", - dedi olar. 

Aıta keteıik, jańa ortalyq meshit Ortalyq Azıadaǵy eń iri dinı ǵımarattardyń biri. Oǵan 20 myń adamǵa deıin sıady.