الماتىدا جاڭا سالىنعان ورتالىق مەشٸت 14 قاراشادا اشىلۋى مٷمكٸن. بۇل تۋرالى دٸني باسقارماعا جاقىن دەرەككٶزدەر مەلٸمدەدٸ, دەپ حابارلايدى Dalanews.kz.
مەشٸت قۇرىلىسى جىل باسىندا تولىق اياقتالعان. سول ۋاقىتتان بەرٸ جاڭا نىساندا ەكٸ رەت ايت نامازى ٶتكٸزٸلدٸ. الايدا رەسمي اشىلۋ رەسٸمٸ بولعان جوق. ەل اراسىندا مەشٸتتٸڭ اشىلۋى قۇجات رەسٸمدەۋ مەسەلەسٸنە بايلانىستى كەشٸكتٸرٸلدٸ دەگەن اقپارات تا تاراعان.
ال قازاقستان مۇسىلماندارى دٸني باسقارماسىنىڭ قىزمەتكەرلەرٸ مەشٸتتٸڭ 14 قاراشادا اشىلماۋى مٷمكٸن ەكەنٸن جەتكٸزدٸ.
"ەزٸرگە ناقتى اقپارات جوق. بٸراق وسى ايدا اشىلادى", - دەدٸ ولار.
ايتا كەتەيٸك, جاڭا ورتالىق مەشٸت ورتالىق ازيياداعى ەڭ ٸرٸ دٸني عيماراتتاردىڭ بٸرٸ. وعان 20 مىڭ ادامعا دەيٸن سييادى.
