16 naýryz kúni Almaty belsendileriniń uiymdastyrýymen “Jańa Qazaqstan” taqyrybynda jastar qozǵalysyn uiymdastyrý týraly otyrys ótti.
Is-sharaǵa qoǵam belsendisi, metsenat Syrymbek Taý, shyǵarmashyl jastar ókili Ońdasyn Kulymbet, G-38 stýdenttik qozǵalysynyń negizin qalaýshy Aisulý Erniiazova, sport sheberi Janqosh Turarov, Ál-Farabi atyndaǵy QazUÝ prorektory Áliia Masalimova, Abai atyndaǵy QazUPÝ prorektory Shyńǵys Nurlanov, QBTÝ prorektory Ekaterina Smoliakova, HBK prorektory Qaiyrjan Meńdiǵaliev jáne ózge de JOO-dardyń ókilderi qatysty.
Shara barysynda spikerler jastar men stýdentterdiń belsendiligin arttyrý maqsatynda qoǵam belsendileri tarapynan qandai jumys atqarylý kerektigin aitty. 18 naýryz kúni saǵat 14:00-de Almaty jastaryna jaqsy serpilis berý úshin «Almaty arenada» jeke kásipkerlerdiń qoldaýymen kontsert ótetinin habarlady. Bul kontsertke tanymal óner juldyzdary men ataýly azamattar qatysady, olar merekelik baǵdarlamamen qosa, ónegeli áńgime aityp, óz tájirbiesimen bólisedi.
«Sońǵy ýaqytta ainalamyz negativke tolyp ketti. Stýdentterimiz onlain oqý formatyna kóshkeli beri, qoǵamdyq isterge belsendi at salysa almai júr. Sondyqtan biz jastarǵa jaqsy kóńil-kúi syilap, olarǵa óz tájirbiemizben bólissek degen niettemiz. Maqsatymyz partiia quryp, saiasi mansap bastaý emes. Azamattyq ári aǵalyq jaýapkershiligimizdi sezinip, jastardy jaqsy isterdiń basynda biriktirmekpiz – dedi osy otyrystyń uiymdastyrýshysy Syrymbek Taý.
JOO-dardyń prorektorlary jeke kásipkerlerdiń mundai niet bildirip, qoǵamǵa paidaly is uiymdastyrýyn stýdentterdiń qýana qarsy alqanyn habarlady:
«Jastardy qoldaýǵa baǵyttalǵan bul sharany bizdiń stýdentter jaqsy qabyldady. Qazirdiń ózinde 10-nan astam JOO basshylyǵy aitylǵan jumystarǵa úles qosýǵa óz niettilikterin bildirdi. Osy otyrysty uiymdastyrýdyń maqsat-múddesi búgingi prezident joldaýyna aitylǵan máselelermen tuspa-tus keledi. Memleket basshysy Q.Toqaev «Qazaqstan bizden basqa eshkimge kerek joq» dedi. Úkimet tapsyrmasynan bólek qoǵam belsendileriniń birigip el damýyna qadam jasaýy, prezident sózderin durys túsinýimizdiń belgisi – dedi HBK prorektory Qaiyrjan Meńdiǵaliev.
Shara uiymdastyrýshylary budan keiin de jastardy qoldaýǵa arnalǵan ózge de jumys atqarý josparda bar ekenin habarlady.
