Jyldyń sońǵy keshinde Almaty jarqyn merekelik atmosferaǵa bólenedi. 31 jeltoqsanda saǵat 18:00-den 00:30-ǵa deıin Astana alańynda qaladaǵy basty jańa jyldyq konsert ótip, megapolıs turǵyndary men qonaqtaryn bir shańyraq astyna jınaıdy, dep habarlaıdy Dalanews.kz.
Sahnada otandyq estradanyń juldyzdary, tanymal toptar óner kórsetedi. Olardyń qatarynda Maqpal Isabekova, Álisher Kárimov, Aqylbek Jemeneı, Beıbit Qorǵan, Ringo, Ninety One, Ayree, Astra, Dakelot, Dáýlet Janbolat, Jubanysh Jensenuly, Dıana Ismaıl, Baqyt Shadaeva, Abaı Begeı, Tahmına Áshimbekova, Muzart Life, İnjý Ánýarbek, Ábik Jeksen, Ashat Tarǵyn, Dálel Ýashev, Maqsat Bazarbaev, Dáýren Baıbóri jáne basqa da ónerpazdar bar.
Merekeniń sharyqtaý shegi dástúr boıynsha saltanatty jańa jyldyq otshashý bolmaq. Ákimdik málimetinshe, jańa jyldyq otshashý demeýshilik qarajat esebinen uıymdastyrylmaq.
