Almatyda litsenziia alý úshin jalǵan málimet engizýmen ainalysqan toptyń zańsyz áreketi anyqtaldy, dep habarlaidy Dala News.
Qarjy monitoringi agenttiginiń málimetinshe, kúdiktiler 2021 jyldan beri «E-litsenziialaý» júiesine jalǵan aqparat engizip, qurylys salasynda zańsyz litsenziia alýǵa kómektesken.
Tergeý barysynda olardyń qalalyq qala qurylysy baqylaý basqarmasynyń qyzmetkerlerimen sóz bailasqany belgili boldy. Kúdiktiler ózderine qarasty kompaniialar arqyly óndiristik baza, arnaiy tehnika jáne bilikti mamandar bar degen jalǵan derekter usynǵan.
Nátijesinde 400-den astam kompaniia sáýlet, qala qurylysy jáne qurylys salasynda I sanattaǵy litsenziialardy zańsyz alǵan.
Tintý kezinde qujattar men zattai dáleldemeler tárkilendi.
Belgili bolǵandai, mundai «qyzmet» úshin uiymdastyrýshylar 2 mln-nan 5 mln teńgege deiin aqsha alyp otyrǵan.
Qazirgi ýaqytta is boiynsha tergeý amaldary jalǵasýda.
