Eger jazdyń basynda epıdemıologıalyq jaǵdaıdyń jaqsarýy aıasynda megapolıste 4 ınfeksıalyq stasıonar jumys istese, qazir olardyń sany – 23. Almatyda gospıtál men aýrýhanalardy kovıdtik stasıonarlarǵa qaıta beıindeý tájirıbesi bar.
– Shilde aıynyń basynda koronavırýs ınfeksıasynyń úshinshi tolqyny tómendegen kezde bizde 160 tósegi bar Baızaqov ınfeksıalyq stasıonary, sondaı-aq 500 tósek-orny bar I.S. Jekenova atyndaǵy jańa aýrýhana, jáne onyń 280 tósek-orny bar Saıaly yqshamaýdanyndaǵy fılıaly, sondaı-aq Moll-Aport aýmaǵyndaǵy 300 oryndy balalar aýrýhanasy jumys istedi. Biz qıyndyqty eńsere aldyq, endi juqtyrýshylar sanynyń orasan ósýi men tórtinshi tolqynnyń bastalýy aıasynda birqatar basqa ınfeksıalyq stasıonarlardy kezeńmen iske qosa bastadyq. Qazir olardyń sany – 23-ke jetti, – dedi Narıman Tabynbaev.
İske qosylǵan ınfeksıalyq stasıonarlardyń ishinde: pýlmonologıa bólimshesi, ortalyq qalalyq aýrýhananyń barlyq alańdary, 1-shi qalalyq klınıkalyq aýrýhana, jedel medısınalyq kómek kórsetýdiń qalalyq aýrýhanasy, kardıologıalyq ortalyq, Halyq Arena, Uly Otan soǵysy ardagerleriniń gospıtály, TJ aýrýhanasy jáne kóptegen basqalary bar.
QDB basshysy qazirdiń ózinde 7 myń ınfeksıalyq oryn daıyndalǵanyn atap ótti. Sonymen qatar, rezervte 3 myń oryn bar. Eger jaǵdaı qıyndasa, taǵy 2 myń rezervtik oryn ashylady.
Narıman Tabynbaev búginde 6400 orynnyń 3 827 orny qamtylǵanyn atap ótti. Naýqastardyń arasynda 239 bala bar. Aýrýhanalarda 114 asa aýyr naýqas jáne 956 naýqas aýyr jaǵdaıda jatyr.
Infeksıalyq stasıonarlarda 500 reanımasıalyq oryn bar. Naýqastarmen tolyǵýy – 52%. 29 naýqas ÓJJ apparatyna qosylǵan, ınvazıvti emes ÓJJ appratynda – 105 adam, High Flo apparatynda – 99 naýqas.
Alaıda kovıdtik aýrýhana naýqasy bolmaý úshin jedel vaksınalaný, sanıtarlyq-epıdemıologıalyq normalardy saqtaý jáne adam kóp jınalatyn oryndarǵa barmaý qajet.
Dárigerlerge júktemeniń artýy aıasynda halyq arasynda PTR-testileý sany artty. Almatyda búginde 15 700 testileýdi júrgizetin 28 PTR-zerthana jumys isteıdi. Zertteýler sanyn 27 000-ǵa deıin arttyrý josparlanýda.
