12 shildeden 17 qyrkúiekke deiin Almaty qalasynda Almaty qalasy Týrizm basqarmasynyń uiymdastyrýymen, Halyqaralyq jáne ulttyq trenerlerdiń qatysýymen Týristik Gidter Assotsiatsiiasynyń Dúniejúzilik (WFTGA) kýrstary ótti. Baǵdarlama ekskýrsiialyq qyzmetterdiń sapasyn arttyrýǵa, týristerge qyzmet kórsetý salasyndaǵy daǵdylardy damytýǵa, sondai-aq gidterdiń kásibi deńgeiin arttyrýǵa baǵyttalǵan.
Oqytý birneshe tilde ótti: qazaq, orys, aǵylshyn jáne qytai. Oqytý baǵdarlamasy teoriialyq jáne praktikalyq sabaqtardy qamtydy. Barlyǵy 210 tyńdaýshy kýrsqa qatysty, olar 12 topqa bólindi. Ár kýrs 7 kúnge sozyldy, onyń ishinde 5 kún teoriialyq sabaqtar men 2 kún Almaty qalasy boiynsha praktikalyq ekskýrsiialar ótti.
Kýrs kelesi baǵyttarda júrgizildi:
- Ekskýrsiialyq qyzmetterdiń joǵary deńgeiin qamtamasyz etý.
- Mádeni jáne tarihi nysandar týraly bilimdi tereńdetý.
- Kommýnikatsiialyq daǵdylardy damytý.
- Gidterdiń halyqaralyq jumys standarttarymen tanysý.
- Sheteldik týristermen qarym-qatynas daǵdylaryn igerý.
Qytaidan keletin týristik aǵynnyń artýyna bailanysty qytai tildi toptarǵa erekshe kóńil bólindi.
Ár oqý kezeńiniń sońynda «HOT» (Hands on Tourist Guiding course) ádistemesi boiynsha emtihandar ótkizildi. Tyńdaýshylar kýrs aiaqtap, kásibi deńgeilerin joǵary kórsetti. Emtihandar qatysýshylardyń jańa standarttar boiynsha jumys isteýge jáne ázirlengen týristik marshrýttardy engizýge daiyn ekenin rastady.
Almatyda ótken gidter men ekskýrsiia jetekshileriniń biliktiligin arttyrý baǵdarlamasy damyp kele jatqan týristik sala jaǵdaiynda mańyzdylyǵyn jáne tiimdiligin kórsetti. Osy kýrstyń arqasynda mamandar týristerge joǵary sapaly ekskýrsiialyq qyzmetterdi usynýǵa múmkindik beretin jańa bilim men tájiribelik daǵdylarǵa ie boldy. Kýrstar óńirdegi týrizmdi damytýda jáne qala qonaqtaryna qyzmet kórsetetin joǵary bilikti kadrlardy daiarlaýda mańyzdy qadam boldy.
