Aýdan ákimdiginiń aıtýynsha, joba jylyna 40 myń tonnaǵa jýyq qaıtalama shıkizat – makýlatýrany óńdeýge múmkindik beredi. Bul ekologıaǵa paıdaly jáne gofrokarton óndirý kezinde jergilikti úlesti arttyrady. Óndiris qýaty jylyna shamamen 2,3 myń tonna ónimdi quraıdy.
Munda 140 adam qyzmet isteıdi. Sondaı-aq, jańa óndiristik jelini iske qosý úshin 30 jańa jumys orny ashylady. Investısıa somasy 1,5 mlrd teńgeni quraıdy.
Nur-Sultan qalasynyń merekesine oraı Almaty qalasy Áýezov aýdanynyń «Baqytty otbasy» áleýmettik ortalyǵynda ulttyq stılde qolóner buıymdaryn tigý boıynsha tigin sehynyń saltanatty ashylýy ótti. Onda 7 adam jumys isteıdi. Olar qazaqtyń dástúrli kórpeleri men jastyqtaryn, sondaı-aq ulttyq naqyshtaǵy basqa da buıymdardy jasaıdy.
Sehtyń jalpy aýdany 180 sharshy metr. Onda 3 tigin mashınasy men basqa da qajetti jabdyqtar men shyǵyn materıaldary bar.
Jobanyń maqsaty – qazaqtyń kóne qundylyqtaryn qoldaý, ulttyq óner men qolóner murasyn saqtaý, qazaq halqynyń burynǵy kelbetin tabıǵı qalpyna keltirý jáne sándik-qoldanbaly qolóner mádenıetin damytý. Atap aıtqanda, «Arý-aı» sehynda qazaqtyń dástúrli kelinderi «qyz jasaýy» úshin kıimder, kórpeler men jastyqtar tigedi.
Aýdannyń kópbalaly áıelderin jumyspen qamtamasyz etip, dástúrli qazaq stılindegi zattarǵa degen suranysty arttyrady. Sehtyń ashylýy óskeleń urpaqtyń dástúrli rýhanı mádenıetin, ulttyq oılaý, iskerlik pen kásibı erekshelikterin nyǵaıtýǵa baǵyttalǵan.
