اۋدان اكىمدىگىنىڭ ايتۋىنشا، جوبا جىلىنا 40 مىڭ تونناعا جۋىق قايتالاما شيكىزات – ماكۋلاتۋرانى وڭدەۋگە مۇمكىندىك بەرەدى. بۇل ەكولوگياعا پايدالى جانە گوفروكارتون ءوندىرۋ كەزىندە جەرگىلىكتى ۇلەستى ارتتىرادى. ءوندىرىس قۋاتى جىلىنا شامامەن 2،3 مىڭ توننا ءونىمدى قۇرايدى.
مۇندا 140 ادام قىزمەت ىستەيدى. سونداي-اق، جاڭا وندىرىستىك جەلىنى ىسكە قوسۋ ءۇشىن 30 جاڭا جۇمىس ورنى اشىلادى. ينۆەستيسيا سوماسى 1،5 ملرد تەڭگەنى قۇرايدى.
نۇر-سۇلتان قالاسىنىڭ مەرەكەسىنە وراي الماتى قالاسى اۋەزوۆ اۋدانىنىڭ «باقىتتى وتباسى» الەۋمەتتىك ورتالىعىندا ۇلتتىق ستيلدە قولونەر بۇيىمدارىن تىگۋ بويىنشا تىگىن سەحىنىڭ سالتاناتتى اشىلۋى ءوتتى. وندا 7 ادام جۇمىس ىستەيدى. ولار قازاقتىڭ ءداستۇرلى كورپەلەرى مەن جاستىقتارىن، سونداي-اق ۇلتتىق ناقىشتاعى باسقا دا بۇيىمداردى جاسايدى.
سەحتىڭ جالپى اۋدانى 180 شارشى مەتر. وندا 3 تىگىن ماشيناسى مەن باسقا دا قاجەتتى جابدىقتار مەن شىعىن ماتەريالدارى بار.
جوبانىڭ ماقساتى – قازاقتىڭ كونە قۇندىلىقتارىن قولداۋ، ۇلتتىق ونەر مەن قولونەر مۇراسىن ساقتاۋ، قازاق حالقىنىڭ بۇرىنعى كەلبەتىن تابيعي قالپىنا كەلتىرۋ جانە ساندىك-قولدانبالى قولونەر مادەنيەتىن دامىتۋ. اتاپ ايتقاندا، «ارۋ-اي» سەحىندا قازاقتىڭ ءداستۇرلى كەلىندەرى «قىز جاساۋى» ءۇشىن كيىمدەر، كورپەلەر مەن جاستىقتار تىگەدى.
اۋداننىڭ كوپبالالى ايەلدەرىن جۇمىسپەن قامتاماسىز ەتىپ، ءداستۇرلى قازاق ستيلىندەگى زاتتارعا دەگەن سۇرانىستى ارتتىرادى. سەحتىڭ اشىلۋى وسكەلەڭ ۇرپاقتىڭ ءداستۇرلى رۋحاني مادەنيەتىن، ۇلتتىق ويلاۋ، ىسكەرلىك پەن كاسىبي ەرەكشەلىكتەرىن نىعايتۋعا باعىتتالعان.
