Almaty qalasynyń memlekettik arhivinde QR Halyq artisi, QR Memlekettik syilyǵynyń laýreaty, "Qurmet" jáne "Otan" ordenderiniń iegeri, kompozitor ári ánshi Eskendir Hasanǵalievtiń qurmetine mýzei buryshy ashyldy, dep habarlaidy Dalanews.kz.
Onyń otbasy belgili kompozitordyń ómiri men shyǵarmashylyǵyna bailanysty 100-den astam qujat pen eksponatty memlekettik saqtaýǵa tapsyrdy.
"Arhiv – bul halyqtyń rýhani bailyǵy men mádeni murasyn saqtaityn, bolashaq urpaqqa miras etetin mańyzdy býyn. Búgin Almaty qalasynyń arhivi Eskendir Hasanǵalievtiń jeke qorynan alynǵan baǵaly qujattarmen jáne zattarmen tolyqtyryldy. Bizdiń ortaq mindetimiz - týǵan jerge jáne óz halqyna degen súiispenshilikti beineleitin kompozitordyń shyǵarmalaryn saqtaý jáne nasihattaý", - dedi Almaty qalasy Mádeniet basqarmasynyń basshysy Ǵani Mailybaev.
Is-sharaǵa ziialy qaýymnyń belgili ókilderi, týystary men jaqyndary, Eskendir Ótegenulynyń dostary men serikteri qatysty. Lenta kesý saltanaty áigili "Atameken" ániniń súiemeldeýimen ótti.
"Eskendir Ótegenulynyń shyǵarmashylyǵy men eńbegi halyqqa tiesili. Endi qazaqstandyq estrada ańyzynyń qoljazbalary, nagradalary, fotoalbomdary, syilyqtary, kitaptary, ordenderi men medaldary osynda saqtalady, óskeleń urpaq qajet bolǵan jaǵdaida tanysa alady. Otbasymyzdyń atynan mýzei buryshyn ashý jónindegi osy igi bastamany qoldaǵany úshin barlyǵyna alǵys bildiremin", - dedi QR Halyq artisiniń jubaiy Dariko Hasanǵalieva.
