الماتى قالاسىنىڭ مەملەكەتتىك ارحيۆىندە ق ر حالىق ءارتيسى، ق ر مەملەكەتتىك سىيلىعىنىڭ لاۋرەاتى، "قۇرمەت" جانە "وتان" وردەندەرىنىڭ يەگەرى، كومپوزيتور ءارى ءانشى ەسكەندىر حاسانعالييەۆتىڭ قۇرمەتىنە مۋزەي بۇرىشى اشىلدى، دەپ حابارلايدى Dalanews.kz.
ونىڭ وتباسى بەلگىلى كومپوزيتوردىڭ ءومىرى مەن شىعارماشىلىعىنا بايلانىستى 100-دەن استام قۇجات پەن ەكسپوناتتى مەملەكەتتىك ساقتاۋعا تاپسىردى.
"ارحيۆ – بۇل حالىقتىڭ رۋحاني بايلىعى مەن مادەني مۇراسىن ساقتايتىن، بولاشاق ۇرپاققا ميراس ەتەتىن ماڭىزدى بۋىن. بۇگىن الماتى قالاسىنىڭ ءارحيۆى ەسكەندىر حاسانعالييەۆتىڭ جەكە قورىنان الىنعان باعالى قۇجاتتارمەن جانە زاتتارمەن تولىقتىرىلدى. ءبىزدىڭ ورتاق مىندەتىمىز - تۋعان جەرگە جانە ءوز حالقىنا دەگەن سۇيىسپەنشىلىكتى بەينەلەيتىن كومپوزيتوردىڭ شىعارمالارىن ساقتاۋ جانە ناسيحاتتاۋ"، - دەدى الماتى قالاسى مادەنيەت باسقارماسىنىڭ باسشىسى عاني مايلىبايەۆ.
ءىس-شاراعا زيالى قاۋىمنىڭ بەلگىلى وكىلدەرى، تۋىستارى مەن جاقىندارى، ەسكەندىر وتەگەن ۇلىنىڭ دوستارى مەن سەرىكتەرى قاتىستى. لەنتا كەسۋ سالتاناتى ايگىلى "اتامەكەن" ءانىنىڭ سۇيەمەلدەۋىمەن ءوتتى.
"ەسكەندىر وتەگەن ۇلىنىڭ شىعارماشىلىعى مەن ەڭبەگى حالىققا تيەسىلى. ەندى قازاقستاندىق ەسترادا اڭىزىنىڭ قولجازبالارى، ناگرادالارى، فوتوالبومدارى، سىيلىقتارى، كىتاپتارى، وردەندەرى مەن مەدالدارى وسىندا ساقتالادى، وسكەلەڭ ۇرپاق قاجەت بولعان جاعدايدا تانىسا الادى. وتباسىمىزدىڭ اتىنان مۋزەي بۇرىشىن اشۋ جونىندەگى وسى يگى باستامانى قولداعانى ءۇشىن بارلىعىنا العىس بىلدىرەمىن"، - دەدى ق ر حالىق ءارتيسىنىڭ جۇبايى داريكو حاسانعالييەۆا.
