Almatyda kámeletke tolmaǵandarmen profilaktikalyq kezdesý uiymdastyryldy,- dep habarlaidy Dalanews.kz.
2024 jylǵy 27 jeltoqsanda qabyldanǵan "Qazaqstan Respýblikasynyń keibir zańnamalyq aktilerine esirtki quraldarynyń, psihotroptyq zattardyń, olardyń analogtary men prekýrsorlarynyń zańsyz ainalymyna qarsy is-qimyl máseleleri boiynsha ózgerister men tolyqtyrýlar engizý týraly" QR zańy aiasynda elimizde nashaqorlyq pen esirtki qylmysynyń aldyn alý baǵytynda aýqymdy jumystar júrgizilýde. Osyǵan orai, Almaty qalasy boiynsha qylmystyq-atqarý júiesi departamentiniń №11 mekemesinde kámeletke tolmaǵan jazasyn óteýshi jasóspirimdermen túsindirý kezdesýi uiymdastyryldy.
Is-sharanyń basty maqsaty — jasóspirimder arasynda esirtki qylmysyna qarsy immýnitet qalyptastyryp, nashaqorlyqtyń ziiandy saldaryn uǵyndyrý, salaýatty ómir saltyn nasihattaý.
Kezdesýge Almaty qalasy esirtkige qarsy kúres basqarmasynyń aǵa jedel ýákili Sulýshash Dosbolova qatysyp, jasóspirimderge nashaqorlyqtyń quqyqtyq jáne áleýmettik zardaptary jaily keńinen áńgimelep berdi.
Sonymen qatar tárbielik sipattaǵy dialog barysynda balalar ózderin tolǵandyrǵan saýaldaryn qoiyp, tolyqqandy jaýaptar aldy.
Is-shara Almaty qalasy boiynsha esirtki qylmysyna qarsy is-qimyl basqarmasymen birlesip bekitilgen jospar aiasynda júzege asty.
Uiymdastyrýshylardyń aitýynsha, mundai kezdesýlerdiń basty maqsaty — jastardy esirtkiden alshaqtatyp, olardy salaýatty ómirge baýlý, quqyq buzýshylyqtyń aldyn alý, ári bolashaqta qoǵamnyń belsendi ári paidaly múshesi retinde tárbieleý bolyp tabylady.
