Almaty áýejaiyndaǵy jelilik politsiia bóliminiń esirtki qylmysyna qarsy is-qimyl bólimshesi iri kólemdegi esirtki jetkizýdiń jolyn kesti. Phýket – Almaty áýe reisi ushyp kelgennen keiin halyqaralyq kelý zalynda júrgizilgen jedel-izdestirý is-sharalary barysynda 42 jastaǵy Úndistan azamaty anyqtalyp, ustaldy, dep habarlaidy Dalanews.kz
Polisia.kz málimetinshe, aqparattyń egjei-tegjeiin kóliktegi politsiia departamenti bastyǵynyń birinshi orynbasary Madiiar Aitýǵanov aitty. Onyń aitýynsha, quqyq buzýshynyń bagajyn tekserý kezinde politsiia qyzmetkerleri jalpy salmaǵy 2 kg 995 gramm bolatyn marihýana esirtki zatyn taýyp, tárkiledi.
Atalǵan derek boiynsha kólik politseileri sotqa deiingi tergep-tekserý amaldaryn júrgizdi.
– Almaty qalasynyń mamandandyrylǵan aýdanaralyq qylmystyq ister jónindegi soty shetel azamatyn kináli dep tanyp, ony 15 jyl 2 ai merzimge bas bostandyǵynan aiyrý jazasyna kesti, – dedi M.Aitýǵanov.
Aita keteiik, 2025 jyldyń 11 aiynda Kóliktegi PD 347 esirtki quqyq buzýshylyǵyn anyqtady. Onyń ishinde 52 satý faktisi, 19 asa iri kólemde saqtaý, 2 qylmystyq top qurý, sondai-aq 12 kontrabanda faktisi. Zańsyz ainalymnan jalpy 781 keliden astam esirtki zaty tárkilendi.
