الماتى ەۋەجايىنداعى جەلٸلٸك پوليتسييا بٶلٸمٸنٸڭ ەسٸرتكٸ قىلمىسىنا قارسى ٸس-قيمىل بٶلٸمشەسٸ ٸرٸ كٶلەمدەگٸ ەسٸرتكٸ جەتكٸزۋدٸڭ جولىن كەستٸ. پحۋكەت – الماتى ەۋە رەيسٸ ۇشىپ كەلگەننەن كەيٸن حالىقارالىق كەلۋ زالىندا جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا 42 جاستاعى ٷندٸستان ازاماتى انىقتالىپ, ۇستالدى, دەپ حابارلايدى Dalanews.kz
Polisia.kz مەلٸمەتٸنشە, اقپاراتتىڭ ەگجەي-تەگجەيٸن كٶلٸكتەگٸ پوليتسييا دەپارتامەنتٸ باستىعىنىڭ بٸرٸنشٸ ورىنباسارى مادييار ايتۋعانوۆ ايتتى. ونىڭ ايتۋىنشا, قۇقىق بۇزۋشىنىڭ باگاجىن تەكسەرۋ كەزٸندە پوليتسييا قىزمەتكەرلەرٸ جالپى سالماعى 2 كگ 995 گرامم بولاتىن ماريحۋانا ەسٸرتكٸ زاتىن تاۋىپ, تەركٸلەدٸ.
اتالعان دەرەك بويىنشا كٶلٸك پوليتسەيلەرٸ سوتقا دەيٸنگٸ تەرگەپ-تەكسەرۋ امالدارىن جٷرگٸزدٸ.
– الماتى قالاسىنىڭ مامانداندىرىلعان اۋدانارالىق قىلمىستىق ٸستەر جٶنٸندەگٸ سوتى شەتەل ازاماتىن كٸنەلٸ دەپ تانىپ, ونى 15 جىل 2 اي مەرزٸمگە باس بوستاندىعىنان ايىرۋ جازاسىنا كەستٸ, – دەدٸ م.ايتۋعانوۆ.
ايتا كەتەيٸك, 2025 جىلدىڭ 11 ايىندا كٶلٸكتەگٸ پد 347 ەسٸرتكٸ قۇقىق بۇزۋشىلىعىن انىقتادى. ونىڭ ٸشٸندە 52 ساتۋ فاكتٸسٸ, 19 اسا ٸرٸ كٶلەمدە ساقتاۋ, 2 قىلمىستىق توپ قۇرۋ, سونداي-اق 12 كونتراباندا فاكتٸسٸ. زاڭسىز اينالىمنان جالپى 781 كەلٸدەن استام ەسٸرتكٸ زاتى تەركٸلەندٸ.
