Almatyda «Altyn jas» jobasyn iske asyrý jalǵasýda. Aǵymdaǵy zeinetkerlik jastaǵy adamdar úshin 1000 jumys ornyn sýbsidiialaý josparlanǵan. Bul týraly qalalyq jumyspen qamtý jáne áleýmettik baǵdarlamalar basqarmasy málimdedi,- dep habarlaidy Dalanews.kz
«2024 jyly Almatyda zeinetkerlerdiń jalaqysyn jergilikti biýdjetten eń tómengi jalaqy mólsherinde sýbsidiialai otyryp, olardy jumysqa ornalastyrý úshin «Altyn jas» baǵdarlamasy iske qosyldy. Baǵdarlama 700 - den astam adamdy qamtydy, 2025 jyly 1000 zeinetkerdi qoldaý josparlanýda», - dep atap ótti Jumyspen qamtý jáne áleýmettik baǵdarlamalar basqarmasy.
Sondai-aq, qala ákimi Erbolat Dosaevtyń tapsyrmasy boiynsha 2025 jyldan bastap Jobcoach jobasyn iske qosý josparlanýda - erekshe qajettilikteri bar adamdardy 3 jyl boiy turaqty jumys ornynda tolyq beiimdelgenge deiin qoldaý. Tálimgerler jumys oryndaryn tabýǵa jáne jumys ornynda beiimdelýge kómektesedi. Jobcoach jobasy aiasynda osy sanattaǵy 300 azamat jumysqa ornalasady.
Aita keteiik, Almaty inkliýzivti orta qurý boiynsha Qazaqstanda kóshbasshy orynda. Erekshe qajettilikteri bar adamdardy qosa alǵanda, halyqtyń mobildiligi tómen toptary úshin kedergilerdi joiýǵa jáne quqyqtardyń teńdigin qamtamasyz etýge basty nazar aýdarylady. Negizgi jetistikterdiń ishinde qala ómiriniń 15 baǵyty men 90 jobany qamtityn úzdik álemdik tájiribelerge negizdelgen «Inkliýzivti Almaty» baǵdarlamasy atap ótiledi. Ol bilim berý, densaýlyq saqtaý, mádeniet jáne sportta teń múmkindikter jasaýǵa baǵyttalǵan.
