Almaty qalasynda er adam aýyr soqqydan keiin qaitys boldy. Atalǵan derek boiynsha qylmystyq is qozǵalyp, kúdikti ustalyp, ýaqytsha ustaý izoliatoryna qamaldy, dep habarlaidy Dalanews.kz.
Qaiǵyly oqiǵa týraly marqumnyń uly Threads áleýmettik jelisinde málimdedi. Onyń aitýynsha, ákesine úsh jas jigit shabýyl jasaǵan. Olar er adamdy jerge qulatyp, basynan birneshe ret aiaqpen tepken. Tipti jábirlenýshi esinen tanyp jatqan sátte de soqqyny toqtatpaǵan.
Alǵan aýyr jaraqattarynyń saldarynan er adam keiin kóz jumǵan.
Marqumnyń uly jazbasynda bolǵan jaǵdaidy emotsiialyq túrde sipattady.
«Úsh kún boiy uiyqtai almadym. Kóz aldymnan ákemdi kútpegen jerden uryp qulatyp, adam emes, qoqys siiaqty edende súiregen sátter ketpeidi. Jarty saǵat buryn onyń es-tússiz jatqan kezinde basynan teýip, uryp jatqan videony aldym. Bular adam emes. Ákemdi shamamen jarty saǵat boiy “óltirgen”. Ótinemin, bul iske tolyq qoǵamdyq rezonans qajet», - dep jazdy ol.
Quqyq qorǵaý organdary oqiǵanyń barlyq mán-jaiyn anyqtap jatqanyn habarlady. Tergeý jalǵasyp jatyr.
