Almatyda EKSPO-ortalyq qurylysy úshin jer telimderin májbúrlep alý bastaldy, dep habarlaidy Dala News.
Málimetke sáikes, jer telimderin alý týraly qaýly 2026 jylǵy 26 naýryzda qabyldanǵan. Qazirgi ýaqytta ákimdik jańa nysan qurylysyna daiyndyq jumystaryn júrgizip jatyr.
Jospar boiynsha, jer telimderi Medeý aýdanynda, Qulja tas jolynyń shyǵysynda ornalasqan aýmaqtan alynady. Jalpy alynatyn jer kólemi shamamen 1 gektardy quraidy.
Qujatqa sáikes, úsh jer telimi qarastyrylǵan:
•Qulja tas joly, 92 – 0,56 gektar;
•Qulja tas joly, 70/2 – 0,15 gektar;
•Almaty – Qorǵas avtojoly boiyndaǵy jeke tulǵaǵa tiesili jer – 0,25 gektar.
Jer telimderin alý rásimin 2027 jylǵy 31 jeltoqsanǵa deiin aiaqtaý josparlanǵan.
Ákimdik málimetinshe, jer ielerine ótemaqy tólenedi. Jer telimderi men ondaǵy qurylystar naryqtyq baǵamen baǵalanady.
Eger menshik ieleri usynylǵan ótemaqy somasymen kelispese, másele sot tártibimen sheshilýi múmkin.
