Almatyda alqabılerdiń qatysýymen ótken sotta blogerler Damır Kósheev pen Rýslan Kárimov “bopsalaý” baby boıynsha kináli dep tanylyp, árqaısysy toǵyz jylǵa bas bostandyǵynan aıyryldy, dep habarlaıdy Dalanews.kz QazTAG agenttigine silteme jasap.

Úkim jarıalanǵannan keıin sottalýshy Damır Kósheev alqabılerge qarata narazylyǵyn bildirdi. Aıtýynsha, tergeý olardyń kinásin dáleldeı almaǵan.

“Uıat boldy. Bar úmitimiz sizderde edi. Jazyqsyz adamdardy aqtaıdy dep sendik. Tergeý eshteńe dáleldegen joq, soǵan qaramastan bizdi sottap jatyr. Biz qylmys jasaǵan joqpyz, biraq bizge jaza taǵaıyndaldy”, - dedi ol.

Sot úkimi 19 aqpanda belgili boldy.

Kýsheevtiń jaqtastary bul qylmystyq is qoǵamda úlken kúmán týǵyzǵanyn aıtady. Olardyń pikirinshe, zańbuzýshylyq pen jemqorlyq máselelerin ashyq kóterip júrgen qoǵamdyq belsendige qysym jasalýy múmkin.