Almatyda bıoetanol qosylǵan BI-95 markaly benzın satylymǵa shyqty. Bul týraly Aýyl sharýashylyǵy mınıstrligi málimdedi, dep habarlaıdy Dalanews.kz.
Vedomstvonyń málimetinshe, jańa otyndy KazFoodProducts holdıńi óndire bastaǵan. Bıoetanoldy BioOperations zaýyty shyǵarady, al sońǵy ónim BioPetrolCompany bazasynda daıyndalady.
Jańa benzınniń quramynda astyqtan alynǵan 5–10% bıoetanol bar. Mamandardyń aıtýynsha, bul otyndy paıdalaný úshin kólikti qaıta jabdyqtaýdyń qajeti joq. Benzınniń sapasy men oktan sany ózgermeıdi, sondyqtan ol kádimgi benzınmen júretin barlyq avtokólikke jaraıdy.
Sondaı-aq jańa qospa qorshaǵan ortaǵa zıandy áserdi azaıtýǵa múmkindik beredi. Sarapshylardyń aıtýynsha, aýaǵa taralatyn zıandy usaq bólshekter kólemi 70 paıyzǵa deıin tómendeýi múmkin.
