- 1994 jyly týǵan Azamatov kináli dep tanylyp, ortasha qaýipsizdik koloniiasynda 10 jylǵa bas bostandyǵynan aiyrylsyn, - dedi sýdia Mádi Kóshikbaev.
Sonymen birge, sot sheshimimen Azat Azamatov qaitys bolǵan politseilerdiń týystaryna moraldyq jáne materialdyq shyǵynyn óteýge mindetteldi.
Azamatovtyń ózi sotta bolǵan joq. Ol úkimdi videokonferentsbailanys arqyly tyńdady.
Sot Azat Azamatovty jábirlenýshilerge 66,2 million teńge kóleminde ótemaqy tóleýge mindettedi.
Sot qylmyskerdi Almaty politsiia departamentine keltirilgen materialdyq shyǵyn (synǵan politsiia avtokóligi) úshin 5,4 million teńge tóleýge mindettedi.
Jábirlenýshi Dinara Amannyń paidasyna sottalýshy bir million teńge moraldyq shyǵyn tóleýge jáne balasy 18 jasqa tolǵanǵa deiin 36 million teńge tóleýi tiis.
Marqum politseidiń ákesiniń paidasyna Azamatov bir million teńge moraldyq shyǵyn jáne 2,8 million teńge materialdyq shyǵyn tóleidi.
Qaza tapqan ekinshi politseidiń jesiriniń paidasyna IIM eks-qyzmetkerinen onyń úsh balasy 18 jasqa tolǵanǵa deiin 15 million teńge óndirip alady. Sondai-aq, áielge 5 million moraldyq shyǵyn óteledi.
25 mamyrda Almatynyń Qarasai aýdanynda mas júrgizýshi kóligimen blok bekettegi beton qorshaýǵa, sosyn patrýl kóligine soǵylǵan bolatyn. Oqiǵa saldarynan eki politsei qaza taýyp, úshinshisi aýrýhanaǵa jetkizilgen.
BMW júrgizýshisi Azat Azamatov – burynǵy politsiia qyzmetkeri bolyp shyqqan.
