Almatydaǵy jer silkinisinen keiin “Zerdeli” shaǵyn aýdanynyń turǵyndary úreige boi aldyryp, úilerine oralýdan qorqyp otyr, dep habarlaidy Dalanews.kz.
2013-2015 jyldary Almatyda “Zerdeli” shaǵyn aýdany quryldy. Turǵyndardyń málimdeýinshe, az qamtylǵan jáne áleýmettik jaǵynan qorǵalmaǵan azamattarǵa arnalǵan atalmysh úilerden qaýip tónip tur.
Ótken jyly turǵyndardy qorǵaý maqsatynda arnaiy filial kómekke kelgen. Ókinishke qarai, jaǵdai jaqsarýdyń orynyna, kerisinshe keleńsiz máseleler ýshyǵa túsken. Máselen, #78 úidiń kireberis jeriniń tóbesi qatty búlingen. Sonymen qatar úi qabyrǵalarynda jaryqshaqtar paida bolyp, turǵyndardyń úreiin týdyrǵan.
Alaida 23 qańtar “Zerdeli” shaǵyn aýdanynyń turǵyndary naǵyz synaqty bastan ótkerdi. Sebebi jaǵdaiy syr berip turǵan úiler jer silkinisinen keiin aýdan jurtshylyǵyn ábigerge salyp, záre-qutyn qashyrǵan. Bul aimaqta 114 úi oryn tepken. Naqtyraq aitsaq myńnan astam adam ómir súredi. Zilzala oryn alǵan túni kópshiligi jaqyn mańdaǵy mektepterde túnegen. Biraq bul oqiǵadan keiin de aýdan jurtshylyǵynyń jaǵdaiyna eshkim nazar aýdarmaǵan.
Turǵyndardyń aitýynsha, jer silkinisi saldarynan úilerdiń 25 paiyzyna zaqym kelgen. Kireberis pen páter ishinde jaryqtar paida bolǵan. Qazirgi tańda qiyndyqqa tap bolǵan bul adamdar nazardan tys qalǵanyn aityp, dabyl qaǵýda.
Osy tusta Qazaqstan Respýblikasy Prezidentiniń Almatyǵa jumys saparyn eskere otyryp, turǵyndar memleket basshysyna zardap shekken shaǵyn aýdanǵa baryp, óz máselesi boiynsha dereý sheshim qabyldaýdy ótinip otyr.
Eske salaiyq, 23 qańtarda Almatyda jer silkinisi boldy. Tótenshe jaǵdailar departamentiniń málimetinshe, jer asty dúmpýiniń epitsentri Almatynyń ońtústik-shyǵysynda, 264 shaqyrym jerde tirkeldi. Magnitýdasy – 6,7. Budan soń turǵyndar qalada taǵy da birneshe jer silkinisi sezilgenin habarlady. Al TJD deregine sai, aldaǵy ýaqytta joiqyn jer silkinisi bolmaidy.
