Almatyda Apple taýar belgisiniń atyn jamylǵan kontrafakt ónimder tárkilendi, dep habarlaidy Dalanews.kz.
"Baisat" kóterme-bólshek bazary aýmaǵynda "Apple" taýar belgisimen iri kontrafakt ónim partiiasyn satý deregi anyqtaldy. Jeke kásipker óńirlerge uialy telefondardyń (qýattaǵysh qurylǵylar, kabelder, qulaqqaptar, adapterler jáne t.b.) kontrafakt aksessýarlaryn kóterme baǵamen satqany anyqtaldy.
"Bul derek boiynsha QR Ákimshilik quqyqbuzýshylyq kodeksiniń 158-baby boiynsha ákimshilik is qozǵaldy. Shamamen 2 mln. teńge somasyna 1,5 myń ónim tárkilendi", - dep jazylǵan habarlamada.
Osyǵan uqsas jait Baisat kóterme-bólshek bazarynyń mańynda ornalasqan qoima úi-jaiynda anyqtalǵan. Onda WD-40 (ámbebap maqsattaǵy tehnikalyq aerozol) taýar belgisimen ónimderi bar kóterme qoima tabylǵan.
Jeke kásipkerge qatysty ÁQBtK-niń 158-baby boiynsha ákimshilik is qozǵaldy. Shamamen 3 mln. teńge somasyna 2 myńnan asa jalǵan ónim tárkilendi.
"Qazir barlyq material sotqa jiberildi", - dep jazylǵan habarlamada.
