الماتىدا Apple تاۋار بەلگٸسٸنٸڭ اتىن جامىلعان كونترافاكت ٶنٸمدەر تەركٸلەندٸ, دەپ حابارلايدى Dalanews.kz.
"بايسات" كٶتەرمە-بٶلشەك بازارى اۋماعىندا "Apple" تاۋار بەلگٸسٸمەن ٸرٸ كونترافاكت ٶنٸم پارتيياسىن ساتۋ دەرەگٸ انىقتالدى. جەكە كەسٸپكەر ٶڭٸرلەرگە ۇيالى تەلەفونداردىڭ (قۋاتتاعىش قۇرىلعىلار, كابەلدەر, قۇلاققاپتار, اداپتەرلەر جەنە ت.ب.) كونترافاكت اكسەسسۋارلارىن كٶتەرمە باعامەن ساتقانى انىقتالدى.
"بۇل دەرەك بويىنشا قر ەكٸمشٸلٸك قۇقىقبۇزۋشىلىق كودەكسٸنٸڭ 158-بابى بويىنشا ەكٸمشٸلٸك ٸس قوزعالدى. شامامەن 2 ملن. تەڭگە سوماسىنا 1,5 مىڭ ٶنٸم تەركٸلەندٸ", - دەپ جازىلعان حابارلامادا.
وسىعان ۇقساس جايت بايسات كٶتەرمە-بٶلشەك بازارىنىڭ ماڭىندا ورنالاسقان قويما ٷي-جايىندا انىقتالعان. وندا WD-40 (ەمبەباپ ماقساتتاعى تەحنيكالىق اەروزول) تاۋار بەلگٸسٸمەن ٶنٸمدەرٸ بار كٶتەرمە قويما تابىلعان.
جەكە كەسٸپكەرگە قاتىستى ەقبتك-نٸڭ 158-بابى بويىنشا ەكٸمشٸلٸك ٸس قوزعالدى. شامامەن 3 ملن. تەڭگە سوماسىنا 2 مىڭنان اسا جالعان ٶنٸم تەركٸلەندٸ.
"قازٸر بارلىق ماتەريال سوتقا جٸبەرٸلدٸ", - دەپ جازىلعان حابارلامادا.
