Bala tárbiesi – bir otbasynyń ǵana emes qoǵamnyń mindeti ekenin tanytatyn aýqymdy basqosýǵa elimizdiń túkpir-túkpirinen ata-analar, qoǵam qairatkerlerimen qosa QR Parlamenti Senatynyń depýtaty Dana Nurjigit, QR Parlamenti Májilisiniń depýtattary Saiasat Nurbek, Lázzat Ramazanova, Irina Smirnova jáne Almaty qalasynyń ákiminiń orynbasary Ásem Núsipova, Almaty qalasy Bilim basqarmasy basshysynyń orynbasary Qairat Jumanov qatysty.
Al forýmnyń basty qonaǵy belgili pedagog ǵalym, gýmandy pedagogikanyń negizin qalaýshy akademik Shalva Aleksandrovich Amonashvili men psihologiia ǵylymdarynyń doktory, professor Paata Shalvovich Amonashvili bolady.
Shara barysynda Shalva Amonashvili balanyń jeke basyn baǵalaý júiesi týraly adamgershilik qatynasqa negizdelgen pedagogikalyq ádisteme-ustanymdarymen bólisti.
Forýmnyń ashylý saltanatynda sóz sóilegen QR Parlamenti Senatynyń depýtaty Dana Nurjigit qoǵamda sanaly ata-ana mádenietin qalyptastyrýdy maqsat etken «Senimen Bolashaq» RQB jumysyna sáttilik tiledi. Óskeleń urpaqty eńbekke, ultshyldyqqa tárbielep, ulttyq qundylyqtarymyz ben salt-dástúrimizdi nasihattaýdyń mańyzyna toqtaldy. «Ata-analar sanaly urpaqty birge tárbielep bolashaǵymyzdy jarqyn etý, tek bizdiń qolymyzda» – dedi Dana Nurjigit.
– «Senimen Bolashaq» RQB-nyń negizin qalaýshy Núrken Asanov birlestikti qurýdaǵy negizgi maqsatyn aityp, uiymnyń búginge deiin atqarǵan jumystaryna toqtaldy. «Bizdiń maqsat – árbir ata-anany jaqsy orta tárbieleýge biriktirý. Bala men ata-ana arasynda tyǵyz ári shynaiy qarym-qatynas bolsa, ondai balaǵa qoǵam áser ete almaidy. Sondyqtan árbir ata-ana qoǵamdy jaqsartýǵa úles qosqan kezde ǵana tárbieli orta qalyptasady – dep atap ótti Núrken Asanov.
QR Parlamenti Májilisiniń depýtattary Saiasat Nurbek «Jańa mamandyqtardyń atlasy» taqyrybynda sóz qozǵap, mamandyqty durys tańdaý men eńbek naryǵyn túsiný týraly oilarymen bólisti. Bala bolashaǵy úshin mańyzdy sheshimniń biri – mamandyq tańdaý taqyrybynda sóz qozǵaǵan QR Parlamenti məjilisiniń depýtaty eńbek naryǵynda jańadan paida bolatyn jáne 5-10 jyldan keiin de suranysyn joimaityn mamandyq túrin aitty.
Shara barasynyda qoǵamda ata-ana mádenietin qalyptastyrý, balany jan-jaqty damytý úshin ata-analardyń psihologiialyq-pedagogikalyq saýattylyǵyn arttyrý, otbasy qundylyqtaryn nasihattaý, bala quqyǵy, bilimi, densaýlyǵy, qaýipsizdigi taqyrybyndaǵy máseleler qozǵaldy.
Plenarlyq otyrystan keiin ata-analar men ustazdar treningterge qatysyp, bala tárbiesindegi ata-ana jaýapkershiligi, ata-ana men bala qarym-qatynasy, bala psihologiiasy taqyrybynda dárister tyńdady.
