Almatyda kún buzylýyna bailanysty kommýnaldyq qyzmet kúsheitilgen jumys tártibine kóshti, dep habarlaidy Dalanews.kz.
- "Qazgidromet" RMK málimetinshe, Almatyda 8-10 jeltoqsan aralyǵynda qar aralas jańbyr jaýyp, tuman túsip, jel kúsheiedi, synap baǵanasy kúrt tómendeidi.
- 10 jeltoqsanǵa qaraǵan túni qalada 6-9 sm, al taýly aimaqta 15-20 sm qar túsýi múmkin.
- Tsiklon ótkennen keiin 11 jeltoqsannan bastap jaýyn-shashyn toqtap, túngi temperatýra –13…–15°S-qa deiin tómendeidi.
"Kún buzylýyna bailanysty qalanyń kommýnaldyq qyzmeti kúsheitilgen rejimde jumys isteýge kóshti. Óndiristik bazalarda júrgizýshiler, mehanizatorlar men jumysshylar táýlik boiy kezekshilikke qoiyldy. Táýlik boiy 1000-nan asa arnaiy tehnika men 2,7 myń jumysshy jumyldyrylmaq. Almaty qalasynyń Qutqarý qyzmetiniń 15 tehnikasy men 50 qyzmetkeri, al Tótenshe jaǵdailar departamentiniń 53 tehnikasy men 244 mamany kezekshi bolýǵa daiyn", - dep jazylǵan habarlamada.
Kóktaiǵaq kezinde júrgizýshilerge jazǵy dóńgelekterdi qysqyǵa aýystyrý, jyldamdyqty tómendetý, qashyqtyqty saqtaý jáne shuǵyl burylmaý usynyldy. Tájiribesi az júrgizýshiler múmkindiginshe qoǵamdyq kólikti paidalanǵany durys. Júrginshilerge taiǵaq trotýarda barynsha saq bolyp, biik ǵimarattardyń mańyna jaqyndamaý qajet, shatyrdan qar túsý qaýpi bar. Qala turǵyndaryna joldaryn aldyn ala josparlap, jyly kiiný usynyldy.
