Almatynyń Bostandyq aýdanynda qaıǵyly oqıǵa boldy. Tuńǵysh prezıdent saıabaǵyna qarsy ornalasqan kópirden qulaǵan er adam kóz jumdy, dep habarlaıdy Dalanews.kz.

Bul oqıǵa týraly aqparat alǵashynda áleýmettik jelilerde tarady. Kýágerler ál-Farabı dańǵyly men Navoı kóshesiniń qıylysyndaǵy kópirden adam qulaǵanyn aıtqan.

Almaty qalalyq Polısıa departamenti er adam qaza tapqanyn rastady. Bul derek boıynsha Qylmystyq kodekstiń 105-baby - "Ózin-ózi óltirýge jetkizý" boıynsha is qozǵalǵan.

Qazir oqıǵanyń sebepteri men mán-jaıy anyqtalyp jatyr.