Алматының Бостандық ауданында қайғылы оқиға болды. Тұңғыш президент саябағына қарсы орналасқан көпірден құлаған ер адам көз жұмды, деп хабарлайды Dalanews.kz.
Бұл оқиға туралы ақпарат алғашында әлеуметтік желілерде тарады. Куәгерлер әл-Фараби даңғылы мен Навои көшесінің қиылысындағы көпірден адам құлағанын айтқан.
Алматы қалалық Полиция департаменті ер адам қаза тапқанын растады. Бұл дерек бойынша Қылмыстық кодекстің 105-бабы - "Өзін-өзі өлтіруге жеткізу" бойынша іс қозғалған.
Қазір оқиғаның себептері мен мән-жайы анықталып жатыр.
