Spiker qazan aiynda megapoliste qala turǵyndaryna kóshetterdi úlestirý boiynsha «Jasyl qala» aktsiiasy bastalǵanyn atap ótti.
– Barlyq tilek bildirýshiler kóppáterli úilerdiń aýlalaryn jáne basqa da jalpy paidalaný oryndaryn kógaldandyra alady. Jasyl ekonomika basqarmasy otyrǵyzý úshin japyraqty aǵashtardyń kóshetterin tegin taratady. Osy kúzde 1500-ge jýyq aǵash kóshetteri taratyldy, – dedi Serik Qusaiynov.
Aktsiianyń sharttary boiynsha oǵan qatysýshylar eki jyl boiy otyrǵyzylǵan aǵashtardy kútý týraly kepildik mindettemege qol qoiyp, josparlanǵan otyrǵyzý ornyn, kóshetter sanyn jáne olardyń tuqymdyq quramyn kórsetýi tiis. Kóshetterdi taratý aýdan ákimdikteri arqyly júzege asyrylady. Otyrǵyzǵannan keiin fotoesep jiberý kerek.
15 qarashadaǵy jaǵdai boiynsha 33 193 kóshet, onyń ishinde 22 931 aǵash jáne 10 262 aǵash butalary otyrǵyzyldy.
Almaty ákiminiń orynbasary 2025 jylǵa deiingi Dendrologiialyq jospardyń ázirlengenin eske saldy. Jergilikti organdardyń josparynda megapolistiń bir turǵynyna keminde 10 m2 jalpy paidalaný oryndaryn jasyl ekpelermen qamtamasyz etý kódelgen. Qazirgi kezde bul kórsetkish shamamen 7 m2 quraidy.
Ol qalada otyrǵyzylǵan aǵashtardyń assortimenti klimat pen topyraq quramyna bailanysty ǵylymi qaýymdastyqpen, landshaft sarapshylarymen birge tańdalatynyn atap ótti. Sondai-aq, ákimdiktiń maqsaty qalanyń árbir aýdanyn birkelki kógaldandyrýmen qamtamasyz etý. Almatyda jasyl jelekterdi sýarý úshin jańa skvajinalar salyndy, aryq jelisi túgendeldi, sýarý jumystary kúsheitildi.
Ziiankesterge jáne zeńgi aýrýlaryna qarsy tórt ret biologiialyq óńdeý jolymen aǵashtardy saýyqtyrý jáne emdeý boiynsha profilaktikalyq jumys qatar júrgiziledi.
2021 jyldyń kóktemgi maýsymynda Jasyl Almaty baǵdarlamasy aiasynda ótemdik mindettemeler esebinen 64 myńnan astam aǵash otyrǵyzyldy, onyń ishinde turǵyndardyń qatysýymen aýla ishindegi aýmaqtarǵa aǵash otyrǵyzyldy.
