Almaty qalasynyń ákimdigi Almaly aýdanynda kúni keshe bolǵan qaıǵyly jaǵdaıǵa qatysty pikir bildirdi, dep habarlaıdy Dalanews.kz.

Qala bıliginiń málimetinshe, aǵash apatty jaǵdaıda bolmaǵan.

“Kózben sholý barysynda butaǵy synǵan aǵashtyń jasyl ári qanaǵattanarlyq jaǵdaıda ekeni anyqtaldy. Aǵashtyń sanıtarlyq qyrqýǵa jatatynyn nemese butaqtarynyń ne bútindeı aǵashtyń qulaý qaýpin tek syrtqy kórinisine qarap boljaý múmkin emes, sebebi ol jasyl jáne qýraý belgileri joq”, – dep málimdedi ákimdik.

Eske salaıyq, buǵan deıin Almatyda butaq qulap, saldarynan bir adam qaza tapqan edi.

Qaıǵyly jaǵdaı 13 tamyz shamamen saǵat 12-de Qarasai Park turǵyn úı kesheni mańynda, Ádı Sháripov pen Qarasaı batyr kósheleriniń qıylysynda bolǵan. Aldyn ala málimetke súıensek, synǵan butaq jas qyzdyń ústine qulaǵan.