الماتى قالاسىنىڭ اكىمدىگى المالى اۋدانىندا كۇنى كەشە بولعان قايعىلى جاعدايعا قاتىستى پىكىر ءبىلدىردى، دەپ حابارلايدى Dalanews.kz.
قالا بيلىگىنىڭ مالىمەتىنشە، اعاش اپاتتى جاعدايدا بولماعان.
“كوزبەن شولۋ بارىسىندا بۇتاعى سىنعان اعاشتىڭ جاسىل ءارى قاناعاتتانارلىق جاعدايدا ەكەنى انىقتالدى. اعاشتىڭ سانيتارلىق قىرقۋعا جاتاتىنىن نەمەسە بۇتاقتارىنىڭ نە بۇتىندەي اعاشتىڭ قۇلاۋ ءقاۋپىن تەك سىرتقى كورىنىسىنە قاراپ بولجاۋ مۇمكىن ەمەس، سەبەبى ول جاسىل جانە قۋراۋ بەلگىلەرى جوق”، – دەپ مالىمدەدى اكىمدىك.
ەسكە سالايىق، بۇعان دەيىن الماتىدا بۇتاق قۇلاپ، سالدارىنان ءبىر ادام قازا تاپقان ەدى.
قايعىلى جاعداي 13 تامىز شامامەن ساعات 12-دە Qarasai Park تۇرعىن ءۇي كەشەنى ماڭىندا، ءادي ءشارىپوۆ پەن قاراساي باتىر كوشەلەرىنىڭ قيىلىسىندا بولعان. الدىن الا مالىمەتكە سۇيەنسەك، سىنعان بۇتاق جاس قىزدىڭ ۇستىنە قۇلاعان.
