Almatyda Halyqaralyq áielder kúnine arnalǵan aýqymdy is-sharalar baǵdarlamasy daiyn. Mereke qarsańynda qala turǵyndary men qonaqtary kontsertter, kórmeler, teatr qoiylymdary jáne shyǵarmashylyq kezdesýlerdi tamashalai alady,- dep habarlaidy Dalanews.kz
6 naýryz kúni saǵat 11:00-de Ahmet Baitursynuly mýzei-úiinde «Alash arystary jubailary» atty tanymdyq dáris ótedi. Is-sharaǵa Alash arystary urpaqtary Aiman Baisalova, Merýert Bákibaiqyzy, Janara Súleimanova, Jazira Arǵyn jáne zertteýshi ǵalym qyzdar Svetlana Smaǵulova, Bekzada Qojekeeva, Gúljahan Orda, mýzei qyzmetkerleri, JOO stýdentteri, qala turǵyndary men qonaqtary qatysady. Jiynda alash qairatkerleri jubailarynyń róli men olardyń ómirlik serikterine yqpaly talqylanady. Konferentsiiada sirek tarihi málimetter men jańa zertteýler usynylady.
6 naýryzda saǵat 15:00-de, Almaty mýzeiinde «Dástúr. Óner. Ádemilik» atty kórme ashylady. Munda mýzei qoryndaǵy dástúrli bas kiimder kollektsiiasy men sýretshi Gúlnár Tabanovanyń jumystary qoiylady.
7 naýryzda saǵat 18:30-da «Alataý» dástúrli óner teatrynda «Anaǵa taǵzym» atty merekelik kontsert ótedi. Sahnada belgili ónerpazdar Áset Esjan, Shattyq Ýatqan, Nurbolat Uzaqbai, Dias Murathan, Tilek Bazarov jáne Nariman Ábdirahman óner kórsetedi.
8 naýryzda birqatar merekelik is-shara ótedi. Saǵat 17:00-de Yqylas atyndaǵy halyq mýzykalyq aspaptar mýzeiinde «Iirim» tobynyń «Álemniń syiy – áielge» atty kontserti ótedi. Qýyrshaq teatry «Mama dlia Mamontenka» spektaklin qazaq tilinde saǵat 14:00-de, orys tilinde saǵat 12:00-de sahnalaidy. Anasyz qalǵan mamonttyń anasyn tabýǵa degen talpynysy týraly áserli oqiǵa balalar men eresekterdiń júregin jylýlyqqa, janashyrlyqqa bólep, armandaryna umtylýǵa shaqyrady.
Osy kúni, saǵat 19:00-de «Artishok» teatrynda «Samruq» bi trýppasy «Aýyl» qoiylymyn sahnalaidy. Is-shara zamanaýi horeografiia festivali aiasynda ótedi.
Sonymen qatar, 7 jáne 8 naýryzda Almaty halyqaralyq áýejaiynda Almaty qalasynyń tarihy mýzeii qoryndaǵy dástúrli zergerlik buiymdardyń kóshpeli kórmesi uiymdastyrylady.
Qalanyń ártúrli aýdandarynda da merekelik is-sharalar ótedi:
- Naýryzbai aýdanynda 6 naýryzda saǵat 11:00-de, Innovatsiialyq shyǵarmashylyq ortalyǵynda (Shuǵyla, 347/4) «Halyqaralyq áielder kúni» atty kontserttik baǵdarlama ótedi;
- Alataý aýdanynda – 6 naýryzda saǵat 15:00-de, Innovatsiialyq shyǵarmashylyq ortalyǵynda (Nurkent sh/a., 14a) kontsert ótedi;
- Túrksib aýdanynda – 6 naýryzda saǵat 16:00-de, Oqýshylar úiinde (Seifýllin dańǵyly, 13/1) merekelik kontsert ótedi;
- Medeý aýdanynda – 7 naýryzda saǵat 11:00-de, Jambyl atyndaǵy filarmoniiada (Tóle bi kóshesi, 21, Qaldaiaqov kóshesi, 35 qiylysy) merekelik kontsert ótedi;
- Jetisý aýdanynda – 7 naýryzda saǵat 12:00-de, mádeniet úiinde (Esim han kóshesi, 127) merekelik kontsert ótedi.
Almaty qalasynyń komiýniti-ortalyqtarynda da birqatar is-shara ótedi:
- Jetisý aýdanynyń komiýniti-ortalyǵynda – 6 naýryzda saǵat 16:00-de qazaqsha áshekei buiymdar jasaý boiynsha «Qyzdar-ai» atty sheberlik dárisi ótedi;
- Almaly aýdanynyń komiýniti-ortalyǵynda – 6 naýryzda saǵat 19:00-de jastarǵa arnalǵan kviz uiymdastyrylady;
- Jetisý aýdanynyń komiýniti-ortalyǵynda – 7 naýryzda saǵat 15:00-de «Ananyń beinesi» atty fotokórme men qoldanbaly óner kórmesi ótedi;
- Bostandyq aýdanynyń komiýniti-ortalyǵynda – 7 naýryzda saǵat 18:00-de tekstýraly kartinalar jasaý boiynsha sheberlik dárisi ótedi.
