Almatyda marafon sharasyna bailanysty 20 sáýir kúni megapoliste birqatar qoǵamdyq kólikterdiń júris baǵyty ýaqytsha ózgeredi, - dep habarlaidy Dalanews.kz
Osyǵan bailanysty tańǵy saǵat 06:00–den 11:30–ǵa deiin 68 avtobýstyń baǵyty ózgerip, trolleibýstardyń qozǵalysy toqtatylady.
"Árbir marshrýttyń ýaqytsha syzbalarymen @AlmatyJoly Telegram-arnasyna kirip tolyq tanysýǵa bolady", — dep habarlady ákimdikten.
«Smelost byt pervym» korporativtik qory uiymdastyratyn Almaty Half Marathon-ǵa álemniń 40-tan astam elinen 10 myńǵa jýyq adam qatysady dep josparlanǵan. Marafon birneshe qashyqtyq boiynsha ótedi: 21,1 km (jartylai marafon), 10 km, sondai-aq skandinaviialyq júristen 10 km jáne Ekiden komandalyq estafetasy.
Jarys joly Tuńǵysh Prezident saiabaǵynan bastalyp, odan ári ál-Farabi dańǵylymen ótip, Ortalyq stadionda aiaqtalady.
Marafon ýaqytynda megapolistiń keibir kóshelerinde kólik qozǵalysy ýaqytsha shekteledi:
00:00–11:00 aralyǵynda Ál-Farabi dańǵylynyń soltústik jaǵy — Mustafin kóshesinen Navoi kóshesine deiin jabylady. Ońtústik jaǵy ashyq qalady.
06:45–09:30 aralyǵynda Ál-Farabi dańǵylynyń soltústik jaǵy — Mustafin-Nazarbaev kósheleriniń arasy jabylady.
07:10–08:30 aralyǵynda Seifýllin dańǵyly — Ál-Farabi dańǵylynan Abaiǵa deiin tolyqtai jabylady.
08:30–11:00 aralyǵynda Abai dańǵylynyń ońtústik jaǵy — Sain kóshesinen Baitursynov kóshesine deiin jabylady. Soltústik bóligi ashyq bolady.
07:20–09:00 aralyǵynda Abai dańǵylynyń ońtústik jaǵy — Seifýllin dańǵylynan Baitursynov kóshesine deiingi bóligi jabylady.
08:20–10:00 aralyǵynda Sain kóshesiniń shyǵys jaǵy — Ál-Farabi dańǵylynan Abaiǵa deiin jabylady. Batys jaǵy ashyq bolady.
