Almatyda 40 qabatty Rams Beyond ǵimaratynyń qurylysy toqtatyldy, dep habarlaidy Dalanews.kz.
Almatyda qoǵamda qyzý talqyǵa túsken Rams Beyond atty 40 qabatty turǵyn úi kesheniniń qurylysy ýaqytsha toqtatyldy. Bul týraly Májilis depýtaty Baqytjan Bazarbek habarlady.
"Búgin biz Almatydaǵy 40 qabatty RAMS qurylysynyń-montajdaý jumystaryn toqtattyq! Meniń reidim barysynda qala qurylysyn baqylaý basqarmasy nysanǵa qatysty resmi nusqama tabys etti", – dep jazdy depýtat Facebook-tegi paraqshasynda.
Rams kompaniiasy Almatyda toǵyz qabattan biik ǵimarat salýǵa bolmaityn aimaqta 40 qabatty munara turǵyzyp jatqan edi. Bul jaǵdai qoǵamda úlken rezonans týdyrdy.
Qalalyq ákimdik qurylysqa ruqsatty jobanyń «erekshe qundylyǵy men biregeiligine» súienip bergenin túsindirgen. Alaida depýtattar men kórshiles úilerdiń turǵyndary buǵan qarsy shyqty.
Jaqyn mańdaǵy turǵyndar qurylysqa qarsy petitsiia bastap, ony múldem toqtatýdy talap etken. Qoǵam belsendileri men keibir depýtattar bul nysan qala qurylysy erejelerin óreskel buzatynyn alǵa tartyp otyr.
