Qalada ár balanyń tegin sport sektsiialaryn barýy úshin 1,5 milliard teńge bólindi. Bul 40 myń balanyń sport sektsiialaryna tegin barýyna múmkindik beredi.
Qalanyń barlyq aýdandarynda tegin sport sektsiialary jáne úiirmeleri bar 50 demalys ortalyqtary jumys jasaidy, munda 5,2 myńnan astam adam qamtylǵan.
Jeti sporttyq nysannyń qurylysy júrgizilýde – 6 deneshynyqtyrý-saýyqtyrý kesheni men tennis ortalyǵy. Jekemenshik uiymdar bes úlken sport nysanyn salyp jatyr. Bul ústel tennisiniń ortalyǵy, Suńqar HShTK kesheni, Juldyz shaǵyn aýdanyndaǵy DSK, «Mai vin» DSK, Áýezov aýdanyndaǵy sporttyq kúres ortalyǵy, «Jan dosym» tennis ortalyǵy.
Atletikalyq aýyldyń janynan jabyq jeńil atletikalyq manej salý josparlanýda. Sport nysandaryn birtindep jalpy quny 3 mlrd teńge bolatyn sporttyq qurylǵylarmen jabdyqtaýdyń jospary daiyndaldy.
– Jan basyna shaqqanda tiimdi qarjylandyrýdy damytý, biýdjet qarjysyn paidalanýdyń tiimdiligin arttyrý, sporttyq investitsiia aǵynyn yntalandyrý, materialdyq-tehnikalyq bazany nyǵaitý, jattyqtyrýshylar quramy men kadrlardy damytý jáne talanttardy qoldaý – bizdiń aldymyzda turǵan basty mindetter, – dep atap ótti Baqytjan Saǵyntaev.
