Almatynyń jergilikti biýdjeti alǵash ret 2023 jyly tsifrlandyryldy, dep habarlaidy Dalanews.kz.
Ótken jyly Almatynyń jergilikti biýdjetindegi túsimder 1,6 trln teńgeden asty, bul 2022 jylmen salystyrǵanda 17% - ǵa artyq. Bul týraly Almaty Máslihatynyń kezekti sessiiasynda Tekserý komissiiasynyń tóraǵasy Altai Berdiqulov qalanyń 2023 jylǵy jergilikti biýdjetiniń atqarylýyna oń baǵa berip, habarlady.h
Salyq túsimderinen túsken kirister 313,3 mlrd teńgege josparly kórsetkishti asyra oryndaýmen 1,4 trln teńgeni qurady. Bul 2022 jylǵy salyq túsimderi boiynsha kórsetkishten 30% - ǵa artyq, dep atap ótti A.Berdiqulov.
Onyń aitýynsha, 2023 jyly salyqtyq emes túsimder 28,5 mlrd teńgeni qurady. Jospardy asyra oryndaý 82% nemese 12,8 mlrd teńgeni qurady.
"2023 jyly Tekserý komissiiasy Almaty ákimdigimen birlesip alǵash ret jergilikti biýdjet naqtylandy jáne tsifrlandyryldy. Kirister men shyǵystar jinaqtaldy, biýdjet kózder boiynsha segmentteldi, biýdjettik baǵdarlamalardyń ákimshilerine, túrlerine qarai bólindi. 2023 jylǵa arnalǵan biýdjettik josparlaý boiynsha qurylǵan tsifrlandyrylǵan baza 2024 jyldar biýdjettik investitsiialyq jobalardy qarjylandyrý boiynsha tarihi jáne boljamdy derekterge ortalyqtandyrý arqyly qol jetkizýge múmkindik beredi. Bul túzetýler men naqtylaýlardy eskere otyryp, biýdjettiń atqarylý barysyna aldyn ala baqylaý júrgizýdi qamtamasyz etedi", - dedi A.Berdiqulov.
Tekserý komissiiasynyń tóraǵasy Almatynyń biýdjeti áleýmettik baǵdarlanǵanyn jáne halyqtyń ál-aýqatyna, ómir súrý sapasyn jaqsartýǵa baǵyttalǵanyn atap ótti.
