Almatyda 11-synypty aiaqtaǵan 18 myń túlekke arnalǵan biryńǵai saltanatty «Mektebim, saǵan myń alǵys» atty is-shara ótti, – dep habarlaidy Dalanews.kz
Bilim basqarmasynyń basshysy Sairan Saifedenov ustazdarǵa eńbekterine adaldyǵy úshin alǵys bildirip, túlekterge jańa ómir jolynda sáttilik pen tabys tiledi.
Almaty mektepteriniń túlekteri ulttyq jáne halyqaralyq deńgeide joǵary jetistikter kórsetti. Qalalyq komanda respýblikalyq olimpiadada jaratylystaný-matematikalyq jáne qoǵamdyq-gýmanitarlyq baǵyttar boiynsha birinshi oryndy ielenip, 66 medal men Gran-pri jeńip aldy.
Almatynyń ustazdary da erekshe kózge tústi. Biyl mektepterge myńnan astam jas maman kelip, muǵalimderdiń jalpy sany 27 myńnan asty. «Almaty ustazy» qalalyq baiqaýynyń jeńimpazdary halyqaralyq taǵylymdamadan ótti, al Gran-pri iegeri qala ákimi atynan 5 million teńge kóleminde grantqa ie boldy. Sonymen qatar, almatylyq pedagogter oqyrmandyq jáne matematikalyq saýattylyq boiynsha respýblikalyq baiqaýda júldeli oryndarǵa ie boldy.
Jalpy, 2024–2025 oqý jylynda Almaty qalasynda 349 465 oqýshy bilim aldy. Sonyń ishinde 18 myńnan astamy – 11-synyp oqýshylary. Aita ketý kerek, 1 764 túlek mektepti úzdik bitirdi, 670 oqýshy «Altyn belgige» úmitker. Ulttyq biryńǵai testileýge 11-synyp oqýshylarynyń 92,1 paiyzy – iaǵni 17 522 adam – qatysatynyn rastady.
