Otyrys barysynda Almaty qalasy qoǵam ókilderin agenttik pen azamattyq sektordyń birlesken jumysynyń nátijelerimen tanystyrdy.
Búgingi tańda jurtshylyqpen jumys barysynda Qoǵamdyq keńestiń qatysýymen sybailas jemqorlyq táýekelderi kartasynyń árbir salasy boiynsha jumys toptary qurylyp, qazirde jekelegen salalarda oń nátijeler bar.
Máselen, jer qatynastary salasynda 1,2 mlrd teńgege baǵalanatyn 16 gektardan astam jer memleket menshigine qaitarylǵan.
Qoǵamdyq keńestiń Tóraǵasy Marat Bashimov Sybailas jemqorlyqqa qarsy qyzmettiń qoǵammen syndarly áriptestiginiń mańyzdylyǵyn atap ótti.
– Sybailas jemqorlyqqa qarsy is-qimylda azamattyq qoǵamnyń resýrstaryn paidalaný qajet. Bul tájiribeniń artyqshylyǵy – ózara aqparat almasý, naqty sheshimderdi birlesip talqylaý jáne ázirleý, baǵdarlamalardy keshendi ázirleý jáne normativtik aktilerge qoǵamdyq saraptama júrgizý bolyp tabylady. Jurtshylyqpen úilesimdi jumys ekonomikalyq jáne áleýmettik máselelerdi jedel qaraýdy jáne sapaly sheshýdi qamtamasyz etedi, – dedi.
Qazirgi ýaqytta kartaǵa 6 sala kirdi. Olar – qurylys jáne turǵyn úi, ekonomika jáne qarjy, ekologiia, jer, fiskaldyq jáne áleýmettik salalar.
Qalalyq sybailas jemqorlyqqa qarsy vedomstvo atap ótkendei aǵymdaǵy jyly departament jumysynyń negizgi baǵyty ekologiia salasyndaǵy problemalyq máselelerdi sheshýge baǵyttalatyn bolady.
