وتىرىس بارىسىندا الماتى قالاسى قوعام وكىلدەرىن اگەنتتىك پەن ازاماتتىق سەكتوردىڭ بىرلەسكەن جۇمىسىنىڭ ناتيجەلەرىمەن تانىستىردى.
بۇگىنگى تاڭدا جۇرتشىلىقپەن جۇمىس بارىسىندا قوعامدىق كەڭەستىڭ قاتىسۋىمەن سىبايلاس جەمقورلىق تاۋەكەلدەرى كارتاسىنىڭ ءاربىر سالاسى بويىنشا جۇمىس توپتارى قۇرىلىپ، قازىردە جەكەلەگەن سالالاردا وڭ ناتيجەلەر بار.
ماسەلەن، جەر قاتىناستارى سالاسىندا 1،2 ملرد تەڭگەگە باعالاناتىن 16 گەكتاردان استام جەر مەملەكەت مەنشىگىنە قايتارىلعان.
قوعامدىق كەڭەستىڭ ءتوراعاسى مارات باشيموۆ سىبايلاس جەمقورلىققا قارسى قىزمەتتىڭ قوعاممەن سىندارلى ارىپتەستىگىنىڭ ماڭىزدىلىعىن اتاپ ءوتتى.
![](/uploads/images/20240127163610841.jpg)
– سىبايلاس جەمقورلىققا قارسى ءىس-قيمىلدا ازاماتتىق قوعامنىڭ رەسۋرستارىن پايدالانۋ قاجەت. بۇل تاجىريبەنىڭ ارتىقشىلىعى – ءوزارا اقپارات الماسۋ، ناقتى شەشىمدەردى بىرلەسىپ تالقىلاۋ جانە ازىرلەۋ، باعدارلامالاردى كەشەندى ازىرلەۋ جانە نورماتيۆتىك اكتىلەرگە قوعامدىق ساراپتاما جۇرگىزۋ بولىپ تابىلادى. جۇرتشىلىقپەن ۇيلەسىمدى جۇمىس ەكونوميكالىق جانە الەۋمەتتىك ماسەلەلەردى جەدەل قاراۋدى جانە ساپالى شەشۋدى قامتاماسىز ەتەدى، – دەدى.
قازىرگى ۋاقىتتا كارتاعا 6 سالا كىردى. ولار – قۇرىلىس جانە تۇرعىن ءۇي، ەكونوميكا جانە قارجى، ەكولوگيا، جەر، فيسكالدىق جانە الەۋمەتتىك سالالار.
قالالىق سىبايلاس جەمقورلىققا قارسى ۆەدومستۆو اتاپ وتكەندەي اعىمداعى جىلى دەپارتامەنت جۇمىسىنىڭ نەگىزگى باعىتى ەكولوگيا سالاسىنداعى پروبلەمالىق ماسەلەلەردى شەشۋگە باعىتتالاتىن بولادى.