Týrnirge 16 komanda qatysty. Atap aitqanda olardyń ishinde Almaty ýniversiteti, Abai atyndaǵy QazUPÝ, ál-Farabi atyndaǵy QazUÝ, Q.I.Sátbaev atyndaǵy QazUTÝ, Cúleimen Demirel ýniversiteti, «Qalamger-Media» ujymy, «Aiqyn» gazetiniń komandasy, «Tań» TRK komandasy, «Almaty» telekanalynyń ujymy, «PROSPORT» gazetiniń komandasy boldy.
Týrnirdiń ashylý saltanatynda Almaty ýniversitetiniń rektory Baýyrjan Quljabaev sóz alyp: «Otan úshin, nurly bolashaq úshin» atty mini-fýtbol týrnirin uiymdastyrýdaǵy basty maqsat – ótkenimizdi umytpaý. Biyl Jeńistiń 70 jyldyǵyn atap ótkeli otyrmyz. Sum soǵysta milliondaǵan qazaqtyń qany tógildi. Qanshama otbasy erinen, ulynan aiyrylyp zar jylady. Jeńiske jetý jolynda bizdiń atalarymyz baryn saldy. Sondyqtan da biz olardy eshqashan umytpaýymyz kerek. Ótken tarihyn qadir tutqan eldiń árqashan da tuǵyry myqty bolmaq, – dedi jáne barlyq qatysýshylarǵa sáttilik tiledi.
Sonymen qatar týrnirdiń bas tóreshi Nesip Júnisbaev, «Qazaq gazetteri» JShS prezidenti Jumabek Kenjalin, «Qalamger-Media» ortalyǵynyń direktory, QR Jazýshylar odaǵy tóraǵasynyń orynbasary, Janarbek Áshimjan quttyqtaý sóz sóilep, ótip jatqan týrnirdiń erekshe mańyzǵa ie ekendigine toqtaldy. Saltanatty ashylý rásiminen keiin Almaty ýniversitetiniń 100 stýdentiniń qatysýymen fleshmob ótkizildi. Fleshmob «Biz ótkenimizdi umytpaimyz, bolashaq úshin daýys beremiz!» degen uranmen ótkizilip, Uly Jeńistiń 70 jyldyǵynyń qurmetine «70» sany jasyl kiimdi stýdentter arqyly jazyldy.
Týrnir sońynda «Úzdik tóreshi» nominatsiiasy boiynsha Janarbek Áshimjan, «Eń jas oiynshy» nominatsiiasy boiynsha 14 jastaǵy Álibek Aitaqyn, «Úzdik qaqpashy» nominatsiiasyn «Qazaq gazetteri» JShS komandasynyń qaqpashysy Sherhan Abshe jeńip aldy. «Úzdik shabýylshy» nominatsiiasy boiynsha «Aiqyn» gazetiniń oiynshysy Azamat Baidúisen marapattaldy.
Týrnir qorytyndysynda 1-oryndy T.Rysqulov atyndaǵy Jańa ekonomikalyq ýniversitetiniń oqytýshylar komandasy, 2-oryndy ál-Farabi atyndaǵy QazUÝ komandasy, 3-oryndy Radioelektronika jáne bailanys áskeri injenerlik institýtynyń komandasy ielendi.
Týrnirdiń jabylý saltanatynda sóz alǵan Nesip Júnisbaev Almaty ýniversitetiniń ujymyna barlyq komandalar men óz atynan alǵys bildirip, osy týrnirdiń tamasha dástúrge ainalýyna tilektestigin bildirdi.
Almas NAIMANBAI
Almaty ýniversitetiniń ǵalym hatshysy
[caption id="attachment_10257" align="alignright" width="640"]
[caption id="attachment_10256" align="alignright" width="640"]
[caption id="attachment_10255" align="alignright" width="960"]
[caption id="attachment_10254" align="alignright" width="666"]
[caption id="attachment_10253" align="alignright" width="640"]
[caption id="attachment_10252" align="alignright" width="875"]
