Telemedısına ortalyǵyndaǵy dárigerleri 3527 naýqasty jáne stasıonar shyqqan 49 pasıentti baqylaýda.
Kún saıyn 2500-3000 kiris jáne shyǵys qońyraý baılanystary qaralýda.
Qazirgi kezde ortalyqpen 52 158 kiris jáne 472 043 shyǵys qońyraýǵa qyzmet kórsetildi.
Telemedısına ortalyǵy (budan ári - TMO) úıde em qabyldap jatqan COVID-19-ben aýratyn pasıentterge kómek kórsetý maqsatynda 2020 jylǵy qyrkúıek aıynda ashylǵan bolatyn. Ortalyq COVID-19 ben aýratyn pasıentterge, sondaı-aq, qaýip tobyna kiretindermen qashyqtan baqylaý men konsýltasıa júrgizedi.
– Biz MSAK uıymdarynyń mamandarymen júrgizilgen oflaın keńesten soń TMO mamandary onlaın túrinde keńes beredi jáne úı karantınindegi COVID-19-ben aýratyn pasıentter boıynsha monıtorıń júrgizemiz. Emdelýge jatqyzýǵa kórsetkishter bolǵan kezde TMO mobıldik brıgada nemese jedel járdem shaqyrady. Pasıentterdi tıisti medısınalyq kómek kórsetý úshin stasıonarlarǵa jiberemiz, – dedi TMO basshynyń m.a. Juldyz Baýyrjanqyzy.
Sonymen qatar, Almaty qalasynyń turǵyndarynan COVID-19 aýrýyna shaldyqqandarǵa medısınalyq kómek kórsetý máselesi jónindegi kiris qońyraýlar túsken kezde, mamandar aktıvti qabyldap, turǵynnyń turatyn aýmaqtylyǵy boıynsha qala turǵynyna medısınalyq kómek kórsetý úshin emhanaǵa jiberedi, sondaı-aq, vaksınasıa máselesi boıynsha keńes beredi.
Telemedısına ortalyǵyna táýlik boıyna myna telefonmen habarlasýǵa bolady: 8 (727) 300 505, uıaly telefonnan qysqa 13 12 nomeri arqyly.
