تەلەمەديسينا ورتالىعىنداعى دارىگەرلەرى 3527 ناۋقاستى جانە ستاسيونار شىققان 49 پاسيەنتتى باقىلاۋدا.
كۇن سايىن 2500-3000 كىرىس جانە شىعىس قوڭىراۋ بايلانىستارى قارالۋدا.
قازىرگى كەزدە ورتالىقپەن 52 158 كىرىس جانە 472 043 شىعىس قوڭىراۋعا قىزمەت كورسەتىلدى.
تەلەمەديسينا ورتالىعى (بۇدان ءارى - تمو) ۇيدە ەم قابىلداپ جاتقان COVID-19-بەن اۋراتىن پاسيەنتتەرگە كومەك كورسەتۋ ماقساتىندا 2020 جىلعى قىركۇيەك ايىندا اشىلعان بولاتىن. ورتالىق COVID-19 بەن اۋراتىن پاسيەنتتەرگە، سونداي-اق، ءقاۋىپ توبىنا كىرەتىندەرمەن قاشىقتان باقىلاۋ مەن كونسۋلتاسيا جۇرگىزەدى.
– ءبىز مساك ۇيىمدارىنىڭ ماماندارىمەن جۇرگىزىلگەن وفلاين كەڭەستەن سوڭ تمو ماماندارى ونلاين تۇرىندە كەڭەس بەرەدى جانە ءۇي كارانتينىندەگى COVID-19-بەن اۋراتىن پاسيەنتتەر بويىنشا مونيتورينگ جۇرگىزەمىز. ەمدەلۋگە جاتقىزۋعا كورسەتكىشتەر بولعان كەزدە تمو موبيلدىك بريگادا نەمەسە جەدەل جاردەم شاقىرادى. پاسيەنتتەردى ءتيىستى مەديسينالىق كومەك كورسەتۋ ءۇشىن ستاسيونارلارعا جىبەرەمىز، – دەدى تمو باسشىنىڭ م.ا. جۇلدىز باۋىرجان قىزى.
سونىمەن قاتار، الماتى قالاسىنىڭ تۇرعىندارىنان COVID-19 اۋرۋىنا شالدىققاندارعا مەديسينالىق كومەك كورسەتۋ ماسەلەسى جونىندەگى كىرىس قوڭىراۋلار تۇسكەن كەزدە، ماماندار اكتيۆتى قابىلداپ، تۇرعىننىڭ تۇراتىن اۋماقتىلىعى بويىنشا قالا تۇرعىنىنا مەديسينالىق كومەك كورسەتۋ ءۇشىن ەمحاناعا جىبەرەدى، سونداي-اق، ۆاكسيناسيا ماسەلەسى بويىنشا كەڭەس بەرەدى.
تەلەمەديسينا ورتالىعىنا تاۋلىك بويىنا مىنا تەلەفونمەن حابارلاسۋعا بولادى: 8 (727) 300 505، ۇيالى تەلەفوننان قىسقا 13 12 نومەرى ارقىلى.
