Almaty taýlarynda bir týrist qaza tapty. Bul týraly Tótenshe jaǵdailar ministrligi málimdedi, dep habarlaidy Dalanews.kz.
22 aqpanda tańerteń Titov asýynda 3400 metr biikte eki týrist qar astynda qalyp qoiǵan. Olardyń bireýi ózdiginen shyǵa alǵan.
"Oqiǵa ornyna Almaty qalasy TJD 23-ámbebap qutqarý bólimshesiniń qutqarýshylary, "Barys" RMM qyzmetkerleri, kinologiialyq jasaq pen eriktiler dereý jiberildi. Izdestirý-qutqarý operatsiiasy barysynda ushqyshsyz ushý apparaty qoldanyldy. Júrgizilgen jumystar nátijesinde qar astynan qaza tapqan adamnyń denesi shyǵaryldy", - dep jazylǵan TJM habarlamasynda.
Aita keteiik, oqiǵa ornynda politsiia qyzmetkerleri, qutqarý qyzmetiniń psihologtary jumys istegen.
