الماتى تاۋلارىندا ءبىر تۋريست قازا تاپتى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى Dalanews.kz.
22 اقپاندا تاڭەرتەڭ تيتوۆ اسۋىندا 3400 مەتر بيىكتە ەكى تۋريست قار استىندا قالىپ قويعان. ولاردىڭ بىرەۋى وزدىگىنەن شىعا العان.
"وقيعا ورنىنا الماتى قالاسى تجد 23-امبەباپ قۇتقارۋ بولىمشەسىنىڭ قۇتقارۋشىلارى، "بارىس" رمم قىزمەتكەرلەرى، كينولوگيالىق جاساق پەن ەرىكتىلەر دەرەۋ جىبەرىلدى. ىزدەستىرۋ-قۇتقارۋ وپەراسياسى بارىسىندا ۇشقىشسىز ۇشۋ اپپاراتى قولدانىلدى. جۇرگىزىلگەن جۇمىستار ناتيجەسىندە قار استىنان قازا تاپقان ادامنىڭ دەنەسى شىعارىلدى"، - دەپ جازىلعان تجم حابارلاماسىندا.
ايتا كەتەيىك، وقيعا ورنىندا پوليسيا قىزمەتكەرلەرى، قۇتقارۋ قىزمەتىنىڭ پسيحولوگتارى جۇمىس ىستەگەن.
