«2016 jyldyń 12 qarashasynda «Batýt ortalyǵy» JSHS dırektory, 1983 jylǵy D.Tuıaqov esimdi azamat ustaldy jáne QR QPK-niń 128-babynyń negizinde ýaqytsha ustaý ızolátoryna qamaldy», - delingen İİD-niń taratqan habarlamasynda.
Sonymen qatar, onyń QR Qylmystyq kodeksiniń 292-baby 3-bóligi («Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý») boıynsha aıyptalyp otyrǵany habarlandy. Bul bap boıynsha aıyby dáleldense belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, bes jyldan on jylǵa deıingi merzimge bas bostandyǵynan aıyrýǵa jazalanady.
Polıseılerdiń aıtýynsha, ol taıaý ýaqytta sotaldy tergeý kezeńine bultartpaý sharasyn tańdaý úshin sot aldyna keledi. Aıta keteıik, qylmystyq istiń óndirisi Almaty qalalyq İİD-niń Anyqtaý basqarmasyna tapsyryldy.
Eske salaıyq, 2016 jyldyń 6 qarashasynda Almaty Towers ǵımaratynda órt shyǵyp, 80 adamnyń evakýasıalanǵany habarlanǵan bolatyn. Sondaı-aq, órtten keıin tórt adamnyń máıiti tabylǵany aıtyldy. Al keıinirek ǵımarattaǵy órtten qaza tapqandardyń stýdentter ekeni anyqtaldy.
Aıta keteıik, ýnıversıtetterdiń basshylyǵy men ujymdary qaza bolǵandardyń týystary men jaqyndaryna kóńil aıtyp, marqumdardyń otbasylaryna materıaldyq kómek berip jatyr.
Derekkózi: baq.kz
