«2016 جىلدىڭ 12 قاراشاسىندا «باتۋت ورتالىعى» ج ش س ديرەكتورى، 1983 جىلعى د.تۇياقوۆ ەسىمدى ازامات ۇستالدى جانە ق ر قپك-نىڭ 128-بابىنىڭ نەگىزىندە ۋاقىتشا ۇستاۋ يزولياتورىنا قامالدى»، - دەلىنگەن ءىىد-نىڭ تاراتقان حابارلاماسىندا.
سونىمەن قاتار، ونىڭ ق ر قىلمىستىق كودەكسىنىڭ 292-بابى 3-بولىگى («ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ءورت قاۋiپسiزدiگi تالاپتارىن بۇزۋ») بويىنشا ايىپتالىپ وتىرعانى حابارلاندى. بۇل باپ بويىنشا ايىبى دالەلدەنسە بەلگiلi بiر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءۇش جىلعا دەيىنگى مەرزىمگە ايىرا وتىرىپ نەمەسە ونسىز، بەس جىلدان ون جىلعا دەيiنگi مەرزiمگە باس بوستاندىعىنان ايىرۋعا جازالانادى.
پوليسەيلەردىڭ ايتۋىنشا، ول تاياۋ ۋاقىتتا سوتالدى تەرگەۋ كەزەڭىنە بۇلتارتپاۋ شاراسىن تاڭداۋ ءۇشىن سوت الدىنا كەلەدى. ايتا كەتەيىك، قىلمىستىق ءىستىڭ ءوندىرىسى الماتى قالالىق ءىىد-نىڭ انىقتاۋ باسقارماسىنا تاپسىرىلدى.
ەسكە سالايىق، 2016 جىلدىڭ 6 قاراشاسىندا Almaty Towers عيماراتىندا ءورت شىعىپ، 80 ادامنىڭ ەۆاكۋاسيالانعانى حابارلانعان بولاتىن. سونداي-اق، ورتتەن كەيىن ءتورت ادامنىڭ ءمايىتى تابىلعانى ايتىلدى. ال كەيىنىرەك عيماراتتاعى ورتتەن قازا تاپقانداردىڭ ستۋدەنتتەر ەكەنى انىقتالدى.
ايتا كەتەيىك، ۋنيۆەرسيتەتتەردىڭ باسشىلىعى مەن ۇجىمدارى قازا بولعانداردىڭ تۋىستارى مەن جاقىندارىنا كوڭىل ايتىپ، مارقۇمداردىڭ وتباسىلارىنا ماتەريالدىق كومەك بەرىپ جاتىر.
دەرەككوزى: baq.kz
