Sot materıaldaryndaǵy málimet boıynsha memlekettik sot oryndaýshysy Qaırat Boranbaev pen onyń jubaıy Sholpannyń ortaq múlkindegi úlesti aıqyndaý týraly usynys jasaýdan bas tartqan. Kásipker sotqa shaǵym túsirip, mundaı áreketterdi zańsyz dep tanýdy jáne quqyǵy buzylmaýyn talap etti.
İsti aldyn ala tyńdaý aldynda taraptarǵa kelispeýshilikterdi medıasıa tártibinde sheshý usynyldy, alaıda olardyń arasynda kelisim jasalmaǵan.
12 qańtarda sot ashyq sot otyrysynda Boranbaevtyń talaby boıynsha ákimshilik isti qarady jáne ony qanaǵattandyrmady.
Boranbaevtarǵa ortaq múliktegi úlesti anyqtaý ne úshin qajet bolǵany týraly aqparat ashyq qoljetimdi materıaldarda joq. Sonymen qatar, kásipkerdiń jubaıy Sholpan Boranbaevamen qatar is boıynsha múddeli adamdar tiziminde Almatynyń memlekettik aktıvter basqarmasy bar ekeni qyzyǵýshylyq týdyrady.
Aıta keteıik, bıylǵy naýryzda Boranbaev 8 jylǵa sottalǵan edi. Ol asa iri kólemde qarjy jymqyrǵany úshin aıypty dep tanyldy, al qyrkúıekte bul merzim alty jylǵa deıin qysqardy.
Sot qazanda kásipkerdiń jazasyn bas bostandyǵyn shekteý túrindegi jazaǵa aýystyrdy.
Boranbaev 2023 jylǵy 6 qarashada túrmeden bosatyldy.
Kásipker Qaırat Boranbaev bostandyqqa shyqqannan keıin málimdeme de jasap, kópshilikke alǵysyn bildirdi.
"Áriptester, dostar jáne seriktester! Keshe úıge oraldym jáne otbasym men dostarymdy kórip qýanyp qaldym. Osy aı boıy meni qoldaǵan árqaısyńyzǵa sheksiz alǵysymdy bildirgim keledi
