Almaty. Satbayev University qyzmetkerleriniń 65%-dan astamy KVI-ge qarsy vaktsina aldy
Munda koronavirýs infektsiiasyna qarsy QAZVAC, CoronaVac, Hayat-Vax pen Spýtnik V vaktsinalary bar.
Búginde ýniversitet qyzmetkerleriniń 65%-dan astamy jáne stýdentterdiń 20%-y koronavirýsqa qarsy ekpe aldy.
QR Bas sanitarlyq dárigeriniń eńbek ujymdarynyń Sovid-19-ǵa qarsy mindetti vaktsinasy týraly qaýlysy shyqqannan keiin ýniversitet vaktsina alǵan stýdentter men qyzmetkerlerdiń sanyn arttyrý boiynsha jumysty kúsheitken.
1 tamyzǵa deiin qyzmetkerlerdiń 100% vaktsina alýy josparlanýda. 1 tamyzdan bastap ýniversitet aýmaǵyna kirý meditsinalyq qarsy kórsetilimderi bar vaktsinadan ótken qyzmetkerler men bilim alýshylarǵa ruqsat etiledi.
Sondai-aq, QR Bas memlekettik sanitarlyq dárigeriniń qaýlysyna sáikes, 2021 jyldyń 10 maýsymynan bastap Sátbaev ýniversitetiniń aýmaǵyna Ashyq qosymshasy arqyly kirýge bolady.
Vaktsina alǵandar úshin qosymsha yntalandyrý retinde JOO-da birqatar jeńildikter men preferentsiialar qarastyrylǵan.
2021 jyldyń 1 men 31 shilde aralyǵynda Satbayev University-niń vaktsina alǵan stýdentteri arasynda mynandai júldeler beriledi:
- jeke startap ashýǵa 5 mln teńge grant;
- JOO jataqhanalarynda turý úshin 20 oryn;
- eldegi nemese sheteldegi jetekshi kompaniialarda óndiristik praktikadan ótýge jumsalǵan shyǵysty tolyq óteý quqyǵy;
- Qoldau bizneske arnalǵan tsifrlyq platformamen birlesip, kásipkerlik daǵdylardy damytý boiynsha 100 kýrs.
2021-2022 jyldary vaktsina alǵan stýdentter:
- qaita kýrstardan tegin ótý jáne 3 kreditti qaita tapsyrý;
- shyǵarmashylyq, ǵylymi, sporttyq is-sharalarǵa (meikatondar, hakatondar, týrnirler, kontsertter jáne t. b.) qatysýǵa múmkindik alý;
- akademiialyq utqyrlyq sheńberinde qosymsha bilim alý úshin shet elderge jáne elimizdiń basqa da joǵary oqý oryndaryna barýǵa.
Vaktsinaǵa qatysqan qyzmetkerler men POQ úshin 2021 jylǵy 1 shildeden 31 shildege deiin mynadai jeńildikter beriledi:
- POQ men qyzmetkerler ortasha jalaqysyn saqtai otyryp, jumystan bosatýdyń 2 kúnine quqyq alady;
- 10 qyzmetker 2021 jyldyń sońyna deiin JOO jataqhanalarynda turýǵa 50% jeńildik alady;
- 100 qyzmetker 5000 teńge kóleminde syiaqy alady.
Eske salsaq, 2021 jylǵy 3 shildedegi jaǵdai boiynsha Almatyda 480 myńnan astam adam vaktsina aldy.
Qalada meditsinalyq uiymdarda, mektepterde, mádeniet, sport nysandarynda, bazar men qalanyń SOSO-da 211 vaktsina pýnkti jumys isteidi. 300-den astam ekpe brigadasy qyzmet atqarady.
