Almatynyń tasymaldaýshylary taǵy bir bastama kóterdi. Jolaýshylar tasymaly kásiporyndary qaýymdastyǵynyń habarlaýynsha, avtobýs parkteri Almaty ákimdiginen qoǵamdyq kólikte qolma-qol tólemdi joiýdy qarastyrýdy suraidy.
Negizgi dálel – júrgizýshilerdiń qolma-qol aqsha qabyldaýy olardy negizgi qyzmetten alańdatady, bul jolaýshylardy tasymaldaý kezinde qaýipsizdikti qamtamasyz etýge teris áser etedi. Sonymen qatar, kóleńkeli ekonomikaǵa jaǵdai jasaidy, óitkeni júrgizýshilerdiń bilet bermei qoiatyny bar.
«Talap T» JShS avtobýs parkiniń direktory Serik Jumabekovtyń aitýynsha, qolma-qol aqshamen tóleýdiń úlesi az, biraq úlken qaýip týǵyzady.
«Qala joldaryndaǵy qozǵalys qiyn, kólik sany artyp keledi, soǵan sáikes qoǵamdyq kólik júrgizýshilerine úlken jaýapkershilik júkteledi. Jol aqysyn qabyldaý júrgizýshilerdi avtobýsty júrgizý syndy tikelei mindetinen alańdatady jáne bul jolaýshylarǵa ǵana emes, jol qozǵalysynyń ózge de múshelerine qaýip tóndiredi. Keide qolma-qol aqshamen tóleý júrgizýshiniń 2 minýtqa deiin ýaqytyn alady, sebebi qaitarym tabý kerek jáne t.b. Sondai-aq, júrgizýshilerdiń qolma-qol aqsha qabyldaý kezinde jolaýshylarmen janjal da jii týyndaidy», - deidi Serik Jumabekov.
Óz kezeginde «Neo City Trans» JShS avtobýs parkiniń direktory Erkin Nurpeiisov qolma-qol tólemge bailanysty tasymaldaýshylar tiisti tabys tappaidy, naqty jolaýshylar sanyn anyqtai almaidy dep esepteidi.
«Avtobýstaǵy beinebaqylaý kamerasyndaǵy jazbalarǵa monitoring júrgizý jáne júrgizýshilerdiń jolaqysyn qolma-qol aqshamen berýin anyqtaý qajet. Keide júrgizýshi qolma-qol aqsha alyp, jolaýshyǵa bilet bermeidi. Biraq kúni boiy ár reisti kórý múmkin emes. Munyń bári sýbsidiialaý kólemine áser etedi, sondyqtan park shyǵynǵa ushyraýǵa májbúr. Biz tasymaldaýshylar ekonomikasynyń ashyqtyǵyn qamtamasyz etetin jáne qalada qoǵamdyq kólikti damytý úshin qolaily jaǵdai jasaityn qoǵamdyq kólikte qolma-qol aqshamen tólemdi joiý qajet dep sanaimyz. Bul úshin «Onay» kartasy jáne onyń qosymshasy nemese SMS arqyly tóleýge bolady», - dedi ol.
Almaty kólik holdinginiń málimetinshe, biyl jyl basynan beri qoǵamdyq kólikte 183 mln.tranzaktsiia jasalsa, sonyń 1,6%-y ǵana qolma-qol aqshamen tólengen.
Qoǵamdyq kólik júiesi damyǵan elder qolma-qol tólemnen áldeqashan bas tartqan. Mysaly, Niý-Iorkte jolaqysyn tek plastikalyq kólik kartasymen tóleýge bolady. Japoniia, Shveitsariia, Kanada qalalarynda osyǵan uqsas júie qoldanylady.
