Almaty qalasynyń ákimi Darhan Satybaldynyń ókimimen 2025 jyly 21 shildeden bastap qoǵamdyq densaýlyq saqtaý basqarmasynyń basshysy qyzmetine Marat Orymbasaruly Pashimov taǵaiyndaldy,- dep habarlaidy Dalanews.kz
Marat Pashimov 1981 jyly 4 qazanda dúniege kelgen. Meditsina ǵylymdarynyń kandidaty.
Densaýlyq saqtaý salasynda 2003 jyldan beri eńbek etip keledi. Ár jyldary meiirger, anesteziolog-dáriger bolyp jumys istegen. Sondai-aq, reanimatsiia jáne telemeditsina bólimshesiniń meńgerýshisi, uiymdastyrý-ádistemelik jumystar men tótenshe jaǵdailar jónindegi bas dárigerdiń orynbasary qyzmetterin atqarǵan. Qalalyq emhanany, oblystyq klinikalyq aýrýhanany, qoǵamdyq densaýlyq saqtaý basqarmasyn basqarǵan.
2023 jyldan bastap Almaty qalasyndaǵy «Kardiologiia jáne ishki aýrýlar ǵylymi-zertteý institýty» AQ basqarma tóraǵasy qyzmetin atqarǵan.
