Almaty ákimi Darhan Satybaldynyń ókimimen Qalalyq josparlaý jáne ýrbanistika basqarmasynyń basshysy qyzmetine Almas Janbyrshy taǵaiyndaldy,- dep habarlaidy Dalanews.kz
Ol 1979 jyly Almaty qalasynda dúniege kelgen. Almaty qalasyndaǵy Qazaq bas sáýlet-qurylys akademiiasyn jáne L.N. Gýmilev atyndaǵy Eýraziia ulttyq ýniversitetin támamdaǵan.
Eńbek jolyn 2003 jyly sáýletshi bolyp bastaǵan. 2005-2018 jyldar aralyǵynda Almaty qalasynyń Sáýlet jáne qala qurylysy basqarmasynda ártúrli laýazymdarda jumys istegen.
2018-2019 jyldary «Almatybasjospar» ǵylymi-zertteý institýty» JShS direktory bolǵan.
2019-2021 jyldary Astana qalasy Sáýlet, qala qurylysy jáne jer qatynastary basqarmasy basshysynyń orynbasary qyzmetin atqarǵan.
2021-2022 jyldary «Astanabasjospar» ǵylymi-zertteý institýty» JShS direktory atanǵan.
2022-2023 jyldary Astana qalasynyń Sáýlet, qala qurylysy jáne jer qatynastary basqarmasynyń basshysy bolǵan.
Osy taǵaiyndaýǵa deiin Astana qalasy ákiminiń keńesshisi qyzmetin atqarǵan.
